Mundo er ferðaskrifstofa þar sem menntun, skemmtun, menning og þjálfun fara saman

UPPSELT! Íran og Persía – Haustævintýri 2017

50.000 Kr.390.000 Kr.

Í þessari tveggja vikna ferð munu opnast fyrir ykkur hliðin að einni elstu og merkustu menningu heimsins. Sagan, byggingarlistin, heimspekin, bókmenntirnar og síðast en ekki síst vingjarnlegt viðmót og gestrisni heimamanna eru lyklarnir að þessum áhugaverða heimi sem Íran og Persía hin forna hafa að geyma.

Clear
SKU: N/A Category:

Ali Parsi hlakkar til að fá að leiða ykkur um sínar gömlu heimaslóðir og kynna ykkur fyrir öllu því magnaða sem Íran hefur upp á að bjóða. Hann hefur margra ára reynslu af því að ferðast með íslenska hópa til Íran og leggur metnað sinn í að gera ferðina eins ógleymanlega og hægt er. Í ljósi fyrri ferða getur hann fullyrt að upplifunin af því að heimsækja þetta fjölbreytta land með sína ríkulegu sögu er algjörlega einstök.

Ferðatímabil: 20. október – 2. nóvember 2017
Fararstjóri: Ali Parsi, ásamt enskumælandi leiðsögumanni í Íran.
Verð: 545.000 kr á mann miðað við tveggja manna herbergi, aukagjald fyrir einbýli 50.000 kr
Vinsamlega athugið: Gert er ráð fyrir að hver ferðalangur geri ráð fyrir 100 evrum fyrir viðbótar þókanir (tips) fyrir íranska leiðsögumanninn, ökumann og aðstoðarfólk sem greitt er á síðasta degi ferðarinnar.
Innifalið: 

  1. Vegabréfsáritun
  2. Öll fargjöld til og frá Íran
  3. Gisting í Íran sbr. ferðalýsingu með morgunverði og hálfu fæði – þ.e. annað hvort hádegis- eða kvöldverði
  4. Sérstakur hágæða langferðabíll fyrir hópinn með loftkælingu
  5. Flutningskostnaður
  6. Aðgangur að öllum sögulegum stöðum og söfnum
  7. Akstur til og frá flugvöllum í Íran
  8. Mjög góður enskumælandi leiðsögumaður í Íran
  9. Umsjón Ali Parsi frá upphafi til enda ferðar.

Farþegafjöldi: Lágmark 10 – hámark 18.

Hafið samband við Birnu í s. 788 4646 eða birna@mundo.is

Ferðatilhögun:

Dagur 1 – föstudagur  20. október.  Ísland – Íran.
Morgunflug frá Keflavík til París eða Amsterdam þaðan sem flogið er í gegnum Istanbul með Turkish Air til Shiraz.

Dagur 2 – laugardagur 21. október.
Lending í Shiraz kl. 01.00 . https://en.wikipedia.org/wiki/Shiraz
Fulltrúi ferðaskrifstofunnar tekur á móti hópnum og fylgir hópnum á hótel í Shiraz.
Shiraz er þekkt sem borg ljóðskálda, bókmennta, víns og rósa. Heill dagur í að kynnast borginni bæði með rútu og fótgangandi. Við heimsækjum:

  • Nasir Ol Molk moskuna, sem þekkt sem bleika moskan og er víðfræg fyrir risastóra steinda glugga og skreytingar.
  • Vakil Bazaarinn sem er í hjartað gömlu borgarinnar. Þar er að finna fallega, falda garða, baðhús, áningarstaði og kaupmenn sem selja persnesk teppi, krydd, handverk og antík.

Fyrsti persneski hádegisverðurinn er snæddur á veitingastað í sögulegu húsi sem eitt sinn var í eigu auðugrar fjölskyldu.

  • Karim Khan virkið verður heimsótt síðdegis, en þar voru bækistöðvar Zand konungsættarinnar frá 18. öld.
  • Um kvöldið verða hinir fögru listigarðar Baqe Eram heimsóttir en þeir eru dæmigerðir fyrir persnesku paradísargarða hefðina og skarta einnig fallegur fornum byggingum m.a. frá 13. öld.

Gist í Shiraz.

Dagur 3 – sunnudagur 22. október. Shiraz.
Lagt af stað snemma morguns í dagsferð til Persepolis sem er 60 km norðaustur af borginni og á heimsminjaskrá UNESCO.

  • Þar eru stórfenglegar rústir halla Achamena konunganna og persneska heimsveldisins ( 550 – 330 f.Kr.).
  • Miðdegisverður á þjóðlegum veitingastað í Persepolis.
  • Dalur konunganna (Neqsh-e-Rostam og Rajab) heimsóttur en þar eru fjögur konungleg grafhýsi höggvin inn í bergið.

Snúið til Shiraz þar sem gist verður um nóttina.

Dagur 4 – mánudagur 23. október. Shiraz.
Borg víns og rósa kvödd m.a. með heimsókn um morguninn í grafhýsi hinna fornu þjóðskálda Persíu Hafez og Saadi en sá síðarnefndi, sem hlaut viðurnefnið meistari tungumálsins, er eitt helsta skáld klassíska tímans. Ritsafn Hafez inniheldur margar af helstu perlum persneskra bókmennta og eru til á hverju menningarheimili í Íran í dag.
Ekið til Pasargadae ( 140 km) en þar var höfuðborg Persaveldis undir stjórn Sýrusar mikla. Minnismerki og grafhýsi hans stendur eftir og einnig rústir tveggja halla.
Gist í nærliggjandi þorpi.

Dagur 5 – þriðjudagur 24. október. Silkileiðin.
Lagt af stað um morguninn í átt til hinnar fornu borgar Yazd ( 300 km) sem er á heimsminjaskrá UNESCO.
Ekið er á jaðri eyðimerkurinnar og í gegnum magnað landslag.  Í Abarkooh,  sem er á hinni fornu silkileið snæðum við hádegisverð í lautarferð undir beru lofti og í skugga 3000 ára gamals sýprus trés.  komið við í leiðinni hjá rústum hins 3000 ára gamla borgarvirkis við Bayazeh þorp.
Um kvöldið er áð í Karavansarai sem er ævaforn áningarstaður í miðri eyðimörkinni á gömlu silkileiðinni. Um kvöldið njótum við gestrisni Baluchi fólks með tónlist og dansi og því lýkur með stjörnuskoðun á þakinu. Upplifunin að gista á þessum stað er engu lík. 

Dagur 6 – miðvikudagur 25. október. Yazd. https://en.wikipedia.org/wiki/Yazd
Um morgurinn er lagt af stað til Yazd ( 30 km) sem þekkt er fyrir einstakan eyðimerkur-arkitektúr og gamlan grafreit Zaraþústra (Zoroastrean) trúaðra, en borgin er einmitt miðstöð þeirra í Íran.
Eldmusterið og Jemeh moskan eru meðal merkra staða sem skoðaðir verða þennan dag auk þess sem rölt verður um þröng stræti hinnar fornu miðborgar.
Hádegisverður í gömlu fallegu húsi sem áður var baðhús ( hammam).
Vatnssafnið heimsótt en þar er sýnt hvernig Persar bjuggu til neðanjarðar vatnsveitu fyrir 3000 árum og leiddu hreint vatn úr fjöllunum inn í borgina.
Gist í Yazd í gamla héraðsstjórahúsinu eða á sambærilegum, sögulegum gististað. 

Dagur 7 – fimmtudagur 26. október. Yazd til Farahzad.
Farið frá borginni í morgunsárið og ekið í átt að þessu litla þorpi sem er í miðri eyðimörk (360 km).
Stoppað til að borða þjóðlegan hádegisverð eyðimerkurfólksins í pálmalundi í Bayazieh.
Einstakar rústir 3000 ára gamals borgarvirkis.
Í Farahzad verður gist á skemmtilegu gistiheimili og á matseðli kvöldsins er þjóðlegur matur s.s. úlfaldakjöt. Kvöldinu lýkur með varðeldi og stjörnuskoðun þar sem við getum séð sjálfa vetrarbrautina með aðstoð sterks stjörnusjónauka.

Dagur 8 – föstudagur 27. október. Farahzad til Garmeh (Dashte- Kavir).
Dagurinn hefst á úlfaldareið um eyðimörkina fyrir þá sem treysta sér í það.
Ekið (85 km) til Garmeh sem er ævaforn vin í Dashte- Kavir salt eyðimörkinni. Í þessari eyðimerkurvin hafa ferðalangar áð um þúsundir ára m.a. á leið sinni austur til Kína.
Kvöldinu eytt í sama anda og áfram fetað í fótspor ferðalanga á silkileiðinni við varðeld, tónlist og dans í félagsskap stjarnanna

Dagur 9 – laugardagur 28. október. Garmeh til Isfahan.
Snemma morguns er lagt upp í ferðina til Isfahan (400 km). Á leiðinni er komið við í  forna þorpinu Anarak og hádegisverður snæddur í lautarferð í Nain sem er fræg fyrir Jame moskuna – eina glæsilegustu mosku í Íran – og þá fyrstu sem byggð var eftir innrás Araba í landið.
Nain er líka fræg fyrir hágæða teppi og ullarvefnað sem þar er búinn til. Við heimsækjum teppaverkstæði til að sjá hvernig teppin eru búin til og hver veit nema við fáum að hnýta okkar fyrsta hnút í persneska vefnaðinn sem hefur borið út hróður landsins um þúsundir ára.
Ekið til hinnar fögru borgar Isfahan þar sem gist verður um nóttina. 

Dagur 10 – sunnudagur 29. október. Isfahan.  https://en.wikipedia.org/wiki/Isfahan
Deginum eytt í borginni, sem eitt sinn var höfuðborg Persaveldis og ein sú stærsta í heimi. Isfahan átti sérlega glæsilegt blómaskeið sem höfuðborgar landsins á 16. og 17. öld (Safavied tíminn) og sér þessa víða merki. Meðal þeirra staða sem við upplifum í borginni:

  • Naqsh-e Jahan torgið, en það er annað stærsta torg í heimi og er umkringt einstökum og sögulegum byggingum.
  • Shah og Sheik Lotfollah moskurnar og fagrar hallir Aliqapou.
  • Rölt um stærsta og litríkasta bazaar í Iran og endað í helsta verslunarhverfi borgarinnar Chahar baq.

Gist á hóteli í Isfahan.

Dagur 11 – mánudagur 30. október. Isfahan.
Annar heill dagur í borginni og meðal þess sem við sjáum er:

  • Eftir morgunverð á hótelinu er ekið til aðal moskunnar (Friday Mosque) í gömlu borginni og gengið í gegnum gamla bazarinn á leið til aðaltorgsins.
  • Höll hinna fjörtíu súlna heimsótt.
  • Um kvöldið verða ,,shaking minarets“ heimsóttar og farið upp að fornu eldmusteri Isfahan (Atashgah).
  • Um kvöldið verða hinar frægu brýr og fornir garðar heimsóttir sem tengjast ánni Zaiander Rood sem rennur í gegnum borgina. Þar er m.a. að finna hin ómissandi tehús sem eru svo sterkur þáttur í íranskri menningu.

Gist á hóteli í Isfahan.

Dagur 12 – þriðjudagur 31. október. Isfahan til Abeyaneh og Matinabad.
Dagurinn tekinn snemma til að heimsækja Jolfa, þann hluta borgarinnar sem hinn kristni minnihluti Armena byggði í byrjun 17. aldar og þar sem þau búa enn. Vank dómkirkjan og skemmtilegu kaffihúsin í Jolfa heimsótt.
Ekið til Abyaneh, eins óvenjulegasta þorps í Íran (182km). Abyaneh er allt byggt inn í fjallshlíðar og byggingarefnið er rauður leir sem gefur þorpinu sitt einstaka útlit. Þröngar götur og stígar þræða sig á milli húsana sem mörg eru byggð hvert upp af öðru þannig að þökin nýtast sem garðar nágrannans. Tungumál þorpsbúa er einnig óvenjulegt og konurnar klæðast einstaklega litríkum og sérstæðum klæðum. Hér er, eins og svo víða í ferðinni, að finna einstaklega ríkulegt myndefni.
Um kvöldið er komið til Matinabad (58km) sem er umhverfisvænn áfangastaður (Eco Resort) og lífrænt býli; staðsett í vin á milli sandaldanna, þar sem við upplifum að gista í tjöldum og/eða óvenjulegum gistirýmum úr leirsteini (mudbrick).

Dagur 13 – miðvikudagur 1. nóvember. Kashan og Teheran flugvöllur.
Morgunganga í eyðimörkinni og svo ekið til borgarinnar Kashan (63km). https://en.wikipedia.org/wiki/Kashan
Uppruna Kashan má rekja aftur um ein 9000 ár og er hún sögulega þekkt fyrir framleiðslu á hágæða flísum og leirmunum. Í nútímamálinu er orðið fyrir flís ( kasha) dregið af nafni borgarinnar.
Í borginni heimsækjum við hina fallegu Fin garða sem eru elstu þekktu garðarnir sem enn eru lítt breyttir frá gömlu Persíu, bazaar og merkar byggingar.
Um kvöldið snæðum við á góðum, þjóðlegum veitingastað og búum okkur undir ferðina til Teheran.

Dagur 14 – fimmtudagur 2. nóvember. Kashan IKA alþjóðaflugvöllurinn.
Næturflug með Turkish Air til tengiborgar í Evrópu með millilendingu í Istanbul. Áfram til Íslands sama dag.

 

greiða/staðfesta

staðfestingargjald, lokagreiðsla, einbýli