Mundo er ferðaskrifstofa þar sem menntun, skemmtun, menning og þjálfun fara saman

Sumarbúðir á Spáni

100.000 Kr.359.000 Kr.

Ferðaskrifstofan Mundo, býður ungmennum upp á menntandi sumardvöl í Zafra eða Aranda de Duero næsta sumar. Að dvöl lokinni eiga krakkarnir að geta bjargað sé á spænsku og þau sem byggja á grunni ættu að verða talandi á spænsku. Hugmyndafræðilegur rammi sumarbúðanna byggir á leiðtoganámskeiði þar sem unnið er með þau í nýjum aðstæðum. Þau vinna með gildin sín, læra að tileinka sér að hafa frumkvæði, skipuleggja fram í tímann, forgangsraða, setja sig í spor annarra, finna góða lausn fyrir báða aðila, vinna vel í hópi og hugsa vel um sig. Allt er þetta tengt við menningarlæsi og því að þurfa að standa á eigin fótum í nýrri menningu. Viltu öðlast alþjóðlega reynslu í öruggu umhverfi, læra spænsku á mettíma, fara á leiðtoganámskeið, eignast fullt af nýjum vinum?

Clear
SKU: N/A Category:

Sumarbúðir í Zafra og Aranda de Duero sumarið 2017

mundoSumarbúðir

Unglingar 2013

Ferðaskrifstofan Mundo, býður ungmennum upp á menntandi sumardvöl í Zafra eða Aranda de Duero næsta sumar. Að dvöl lokinni eiga krakkarnir að geta bjargað sé á spænsku og þau sem byggja á grunni ættu að verða talandi á spænsku. Hugmyndafræðilegur rammi sumarbúðanna byggir á leiðtoganámskeiði þar sem unnið er með þau í nýjum aðstæðum. Þau vinna með gildin sín, læra að tileinka sér að hafa frumkvæði, skipuleggja fram í tímann, forgangsraða, setja sig í spor annarra, finna góða lausn fyrir báða aðila, vinna vel í hópi og hugsa vel um sig. Allt er þetta tengt við menningarlæsi og því að þurfa að standa á eigin fótum í nýrri menningu. Viltu öðlast alþjóðlega reynslu í öruggu umhverfi, læra spænsku á mettíma, fara á leiðtoganámskeið, eignast fullt af nýjum vinum?

Ef svarið er já, lestu áfram!

Sumarbúðir Mundo hafa nú verið starfræktar í 6 ár og eru vinsældirnar slíkar að í ár verðum við í tveimur þorpum á Spáni. Uppselt hefur verið í sumarbúðirnar undanfarin 4 ár. Þátttakendur dvelja á spænskum heimilum þar sem eru ungmenni á svipuðum aldri. Þannig eru íslensku krakkarnir í öruggu umhverfi og í félagsskap spænskra ungmenna, nokkuð sem flýtir fyrir málanáminu og hámarkar öryggi dvalarinnar. Spænskir foreldrar eru þekktir fyrir að hugsa einstaklega vel um börnin sín og enn betur um annarra manna börn.  Spænsku krakkarnir taka fullan þátt í dagskránni og sækja enskunámskeið á meðan íslensku krakkarnir er á spænskunámskeiði.  Síðdegis eru spænsku og íslensku krakkarnir saman. Með í ferðinni verður Margrét Jónsdóttir Njarðvík, vararæðismaður Spánar og spænskukennari en hún mun halda utan um krakkana á meðan á dvölinni stendur. Auk hennar verða fjölmargir starfsmenn sem tryggja öryggi krakkanna allan tímann. Þar má nefna íþróttafræðing, tómstundafræðing, myndlistakennara, tungumálakennara og annað starfsfólk.

Alla virka daga munu nemendur stunda spænskunám og leiðtoganámskeið í um fjórar klukkustundir. Þá er skipulagt félagsstarf svo sem íþróttir, sundlaugaferðir, leiðtoganámskeið og skoðunarferðir. Krakkarnir sem verða í Zafra fara í dagsferðir til Mérida, Sevilla og á ströndina en þeir sem verða í Aranda de Duero fara til Burgos, San Sebastian og á ströndina. Í Zafra verða tómstundir á morgnana og spænskukennsla síðdegis en í Aranda er spænskukennsla á morgnana og tómstundir síðdegis.

Lagt verður af stað til Zafra þann 20. júní og heimkoma er 10. júlí. Lagt verður af stað til Aranda de Duero þann 12. júlí og er heimkoma 2. ágúst. Zafra er um 16 þúsund manna bær norðvestur af Sevilla (90 mín akstur). Bærinn er lítill og öruggur en hefur flest sem unglingar hafa gaman af en ekki það sem foreldrar óttast. Hið sama er að segja um Aranda de Duero. Um ræðir 33 þúsund manna bæ sem er í 200 kílómetra beint norður af Madrid. Bærinn er frægastur fyrir Duero vínin en þar er einnig heilmikill iðnaður.

Skilyrði fyrir þátttöku er að snerta enga vímugjafa af hvaða tagi sem er.

Innifalið eru flugferðir, gisting, spænskunámskeið, leiðtoganámskeið, skoðunarferðir og fæði allan tímann. Unglingar þurfa ekki að hafa með sér annað en lágmarksvasapening.

Verð: 459.000 kr. Staðfestingargjald 100.000 kr (óendurkræft) greiðist við skráningu. Eftirstöðvar greiðist í seinasta lagi 6 vikum fyrir brottför.

Nánari upplýsingar veitir Margrét Jónsdóttir Njarðvík í síma 691 4646 og í netfanginu margret@mundo.is

 

kaupa/staðfesta

staðfestingargjald, lokagreiðsla