2019: Hægferð Mundo: Jakobsvegur síðustu 100 km í rólegheitum – gönguferð

Hefur þig lengi dreymt um að ganga Jakobsveginn? Getur verið að nú sé komið að því? Ef þig langar að setja þér það markmið að geta gengið 12-13 km. á dag í september, lestu þá áfram.

Fararstjórar: Margrét Jónsdóttir Njarðvík og Ingibjörg Valgeirsdóttir
Ferðatímabil:
23. sept– 2. október
Verð:
349.000 kr miðað við tvo í herbergi.
Aukagjald fyrir einbýli:
45.000 kr.
Staðfestingargjald: 99.000 kr. 
Fjöldi farþega:
lágmark 10 – hámark 20

Upplýsingar gefur Margrét í s. 691 4646 netfang: margret@mundo.is

Gönguferð fyrir þá vilja smjatta á lífinu á meðan við njótum þess að ganga síðustu 100 km á Pílagrímastígnum á rólegum hraða, þar sem skiptast á hólar og hæðir, skógar, landbúnaðarhéruð, borgir og bæir. Þessi ferð stendur svo sannarlega undir einkunnarorðum Mundo: menntun, skemmtun, menning og þjálfun. Hámarksvegalengdir eru 13 km og verður hjálparbíll með okkur þannig að alltaf er hægt að hringja í vin. Leiðin liggur um Galisíu, einu fallegasta héraði Spánar, frá bænum Sarria til Santiago de Compostela. Þar er allt grænt og vænt og þar sem ávallt koma skúrar í Galisíu verður enn allt grænt.  Farið er á milli lítilla þorpa og inn í nokkra bæi og gist verður tvær nætur í röð á hverjum stað þar sem farið er helmingi hægar en í venjulegum pílagrímagöngum.
Gistingin er hluti af upplifuninni þar sem hægt er. Það er alltaf lín á rúmum, handklæði og sturta og leitast er við að hafa gistinguna eins fjölbreytta og unnt er (klaustur, bændagisting og í það minnsta ein nótt verður á reglulega fínu hóteli).

Innifalið: 

  • Flug
  • Hótel
  • Morgunmatur
  • Hádegismatur göngudagana
  • Trúss (hámark 15 kg)
  • Leiðsögn

Ferðalýsing

Ferðalýsing:
23. sept: Flogið frá Íslandi til Santiago de Compostela með einni millilendingu. Frá Santiago de Compostela er ekið á upphafsstað ferðarinnar í Sarria. (Enginn matur innifalinn)
24. sept: Gengið frá Sarria til Ferreiros
25. sept: Gengiðfrá Ferreiros til Gonzar
26. sept: Gengið frá Gonzar til Palas de Rei
27. sept: Gengið frá Palas de Rei til Melide
28. sept: Gengið frá Melide til Arzúa
29. sept: Gengið frá Arzúa til Pedrouzo
30. sept: Lokadagurinn frá Pedrouzo til Santiago.
1. okt: Frídagur í Santiago. (Einungis morgunmatur innifalinn)
2. sept: Heimferðardagur – flogið heim frá Santiago með einni millilendingu. (Einungis morgunmatur innifalinn)

Deila á facebook