2019: Jakobsvegur: gönguferð fyrir konur – júní – UPPSELT

Það er eitthvað heillandi við að ferðast um Jakobsveginn á Spáni. Þar gerist alltaf eitthvað merkilegt og hver og einn upplifir ferðina á sinn hátt. Þessi ferð er fyrir allar konur sem hafa gaman af hreyfingu og andlegri vellíðan. Ferð sem sannarlega hefur breytt lífi margra!

Ferðatímabil: 2. júní  – 16. júní 2019
Fararstjóri: Margrét Jónsdóttir Njarðvík
Verð: 459.000 kr á mann m.v. tvo í herbergi.
Staðfestingargjald: 110.000 kr. (óafturkræft)
Aukagjald f. einbýli: 50.000 kr. (ath. að á 2-3 stöðum er einbýli ekki í boði og þarf þá að sameina í herbergi)
Nánari upplýsingar: Margrét s. 691 4646 margret@mundo.is

Gönguferð um síðustu 300 km á Pílagrímastígnum frá Astorga til Santiago de Compostela. Á þessari leið skiptast á hólar og hæðir, skógar, landbúnaðarhéruð, borgir og bæir – þessi ferð stendur svo sannarlega undir einkunnarorðum Mundo: menntun, skemmtun, menning og þjálfun. Þetta er ferð sem breytir lífi þínu. Að meðaltali eru gengnir 20-25 km á dag og eru göngudagar alls 12 talsins.
Gistingin er allar tegundir af herbergjum en þó oftast tveggja manna, a.m.k. einu sinni mörg saman í stærri herbergjum til að upplifa ekta pílagrímastemmingu. Gistingin er látlaus en það er alltaf lín á rúmum, handklæði og sturta.

Innifalið:

  • flug
  • hótel
  • morgunmatur alla daga
  • hádegismatur á göngudögum
  • trúss (hámark 10 kg)
  • leiðsögn
Deila á facebook