Gönguskíðanámskeið á Siglufirði í mars – UPPSELT

Vegna mikilla eftirspurna höfum við bætt við öðru gönguskíðanámskeiði! Fyrra námskeiðið er í lok febrúar og verður þetta námskeið haldið í mars.

Viltu læra almennilega á gönguskíði? Sérðu þig fyrir þér bruna áfram á fullri ferð með rjóðar kinnar og gleði í hjarta eftir bestu gönguskíðabrautum landsins á Siglufirði og Ólafsfirði? Kanntu smá, doldið eða lítið sem ekkert en ert ákveðin/n í að breyta því?

 

Ferðaskrifstofan Mundo stendur fyrir gönguskíðanámskeiði á Siglufirði dagana 21. mars til 24. mars. Enginn annar er ólimpíufarinn á gönguskíðum, Elsa Guðrún Jónsdóttir, sér um að kenna þér allt sem þarf um gönguskíði í undurfagurri náttúru Norðurlands. Gist verður á hinu margrómaða “boutique” hóteli, Hótel Siglunes, og þýðir það að þú verður í fæði hjá kokkinum landsfræga Jaouad Hbib en hann er maðurinn á bak við marokkóska veitingastaðinn á hótelinu. Uppbókað var hjá honum svo til hvert einasta kvöld í sumar en þessa helgi er staðurinn frátekinn fyrir þig! Í lok hvers dags verður boðið upp á teygjur og jóga.

Þessi ferð er hönnuð fyrir konur og karla sem vilja ævintýri, vilja læra almennilega á gönguskíði, vilja góðan félagsskap og hafa áhuga á ilmandi, hægelduðum mat. Skráning er hjá margret@mundo.is eða mundo@mundo.is

Ferðadagar: 21. – 24. mars 2019
Verð pr. mann:

  • 72.700 kr. á mann m.v. gistingu í tvíbýli með sérbaði – UPPSELT
  • 67.700 kr. á mann m.v. gistingu í tvíbyli með sameiginlegu baði – UPPSELT
  • 92.600 kr. á mann m.v. gistingu í einbýli með sérbaði – UPPSELT
  • 81.700 kr. á mann m.v. gistingu í einbýli með sameiginlegu baði – UPPSELT
  • 67.700 kr. á mann m.v. gistingu í þriggja eða fjögurra manna herbergi – UPPSELT
  • staðfestingargjald er 20.000 kr.

Innifalið:

  • gisting á Hótel Siglunesi
  • gönguskíðanámskeið
  • 3 x morgunverður
  • 2 x þriggjarétta kvöldverður á marokkóska veitingastaðnum á Hótel Siglunesi
Deila á facebook