fbpx

2020: Jakobsvegur síðustu 100 km í rólegheitum – gönguferð

Hefur þig lengi dreymt um að ganga Jakobsveginn? Getur verið að nú sé komið að því? Ef þig langar að setja þér það markmið að geta gengið 12-13 km. á dag í vor, lestu þá áfram.

Fararstjórar: tilkynnt á næstunni, en það verða þaulvanir pílagrímar
Ferðatímabil:
15. – 25. maí 2020
Verð:
399.000 kr. miðað við tvo í herbergi.
Aukagjald fyrir einbýli:
49.000 kr.
Staðfestingargjald: 99.000 kr. 
Fjöldi farþega:
lágmark 10 – hámark 25

Upplýsingar gefur Margrét í s. 691 4646 netfang: margret@mundo.is

Gönguferð fyrir þá vilja smjatta á lífinu á meðan við njótum þess að ganga síðustu 100 km á Pílagrímastígnum á rólegum hraða, þar sem skiptast á hólar og hæðir, skógar, landbúnaðarhéruð, borgir og bæir. Þessi ferð stendur svo sannarlega undir einkunnarorðum Mundo: menntun, skemmtun, menning og þjálfun. Hámarksvegalengdir eru 13 -15 km á dag, en sé komin þreyta í tærnar er alltaf hægt að hoppa upp í leigubíl til að komast á næsta gististað. Leiðin liggur um Galisíu, eitt fallegasta hérað Spánar, frá bænum Sarria til Santiago de Compostela. Í Galisíu er allt grænt og vænt og sumarið farið að vakna úr dvala á þessum tíma.  Farið er á milli lítilla þorpa og inn í nokkra bæi og er sums staðar gist tvær nætur í röð á sama stað þar sem farið er helmingi hægar en í venjulegum pílagrímagöngum.
Gistingin er hluti af upplifuninni þar sem hægt er. Það er alltaf lín á rúmum, handklæði og sturta og leitast er við að hafa gistinguna eins fjölbreytta og unnt er (klaustur, bændagisting og í það minnsta ein nótt verður á reglulega fínu hóteli).

Innifalið: 

  • Flug
  • Hótel
  • Morgunmatur
  • Hádegismatur göngudagana
  • Trúss (hámark 15 kg)
  • Leiðsögn

Ferðalýsing

Ferðalýsing:
15. maí: Flogið frá Íslandi til Santiago de Compostela með einni millilendingu. Frá Santiago de Compostela er ekið á upphafsstað ferðarinnar í Sarria. (Enginn matur innifalinn)
16. maí: Gengið frá Sarria til Ferreiros
17. maí: Gengið frá Ferreiros til Gonzar
18. maí: Gengið frá Gonzar til Casa Roan
19. maí: Gengið frá Casa Roan til O Coto
20. maí: Gengið frá O Coto til Boente
21. maí: Gengið frá Boente til A Curiscada
22. maí: Gengið frá A Curiscada til O Pedrouso
23. maí: Lokadagurinn frá O Pedrouzo til Santiago.
24. maí: Frídagur í Santiago. (Einungis morgunmatur innifalinn)
25. maí: Heimferðardagur – flogið heim frá Santiago með einni millilendingu. (Einungis morgunmatur innifalinn)

Deila á facebook