60 stundir af sólskini

Ferðaskrifstofunni Mundo er sönn ánægja að bjóða upp á sextíu stundir af sólskini fyrir forvitna, bókelska og ferðaþyrsta. Um ræðir engan venjulegan konfektkassa  þar sem rithöfundarnir Hallgrímur Helgason og Guðmundur Andri Thorsson fjalla um verðlaunabókina Sextíu kíló af sólskini. Vitaskuld verður námskeiðið haldið á Siglufirði. Hér er um sanna menntun, skemmtun, menningu og þjálfun að ræða þar sem þátttakendur fá að drekka úr viskubrunni Guðmundar Andra og Hallgríms auk þess sem farið verður í göngur um slóðir bókarinnar utan sem innan fjarðar. Þannig komast lesendur í náin kynni við sögusvið bókarinnar auk þess sem við skyggjumst inn í Þjóðlagasetrið og skoðum Síldarminjasafnið með bókina í huga. Örlygur Kristfinnsson forvígismaður Síldarminjasafnsins verður sérstakur leiðsögumaður okkar í gönguferðum utan fjarðar. Þá mun kvæðamannafélag Fjallabyggðar sjá til þess að allir læri að kveða nokkrar rímur. 

Ferðatímabil:  3.-6. október 2019
Staðsetning: Hótel Siglunes á Siglufirði
Staðfestingargjald (óafturkræft): 25.000 kr.
Farþegafjöldi: Lágmark 20 – hámark 35.

Verð pr. mann:

  • 86.900 kr. á mann m.v. gistingu í tvíbýli með sérbaði
  • 79.900 kr. á mann m.v. gistingu í tvíbyli með sameiginlegu baði
  • 124.900 kr. á mann m.v. gistingu í einbýli með sérbaði
  • 114.900 kr. á mann m.v. gistingu í einbýli með sameiginlegu baði
  • staðfestingargjald er 25.000 kr. (óafturkræft)

Hvað er innifalið?
Námskeiðið, ferðir frá Siglufirði og um Siglufjörð en þátttakendur sjá um að koma sér á staðinn, aðgangur að söfnum, gisting á Hótel Siglunesi í þrjár nætur ásamt morgunverði, tveir þríréttaðir kvöldverðir hjá hinum margrómaða marokkóska kokki Jaouad Hbib en matreiðsla hans er svo mögnuð að Siglufjörður var tilnefndur sem mataráfangastaður Norðurlandanna árið 2018, ásamt síldarhádegisverðarhlaðborði.

Dagskráin er sem hér segir:

Fimmtudagurinn 3. okt kl. 18: Þátttakendur eru boðnir velkomnir. Kvöldverður er frjáls en Hallgrímur Helgson mun lesa upp úr bókinni sinni og segja frá heimildavinnu við verkið klukkan 20:30
Föstudagur 4. okt: (Ef veðurspá er ekki góð þá er hægt að víxla dagskrá við betri daga.)
Morgunverður kl. 8:30.
Morguninnlegg Guðmundar Andra Thorssonar: Guðmundur Andri fjallar um Sextíu kíló af sólskini og verða umræður á eftir.
Farið verður í skoðunarferð um Siglufjörð, en þar leiðir Örlygur þátttakendur um og eys úr viskubrunni sínum.
Kvöldmatur –  Kvæðamannafélagið kemur í heimsókn og allir læra að kveða nokkrar rímur!
Laugardagur 5. okt: 
Morgunverður kl. 8:30.
Morguninnlegg Guðmundar Andra Thorssonar: Guðmundur Andri fjallar um Sextíu kíló af sólskini og verða umræður á eftir.
Um klukkan ellefu verður haldið í göngu um Héðinsfjörð (þar sem landeigandur veita leyfi) undir leiðsögn Örlygs Kristfinnssonar en hann á ættir að rekja í Héðinsfjörð og stofnaði síðar Síldarminjasafnið. Gestir verða aftur með samlokur frá morgunverðarborðinu.
Síðdegis verður leiðsögn um Síldarminjasafnið undir stjórn forstöðumanns safnsins Anitu Elefsen.
Kvöldverður og mun Hallgrímur Helgason aftur sitja fyrir svörum og lesa upp úr bókinni.
Sunnudagur 6. okt:
Morgunverður kl. 8:30.
Morgunganga um Siglufjörð þar sem námskeiðið verður rammað inn á Þjóðlagasetrinu.
Námskeiði lýkur sextíu klukkustundum síðar með hádegissíldarhlaðborði á Hótel Siglunesi.
Deila á facebook