Íslendingar í Vesturheimi – ágúst 2025

Ferðin hefst á flugi frá Keflavík til Toronto með íslenska fararstjóranum okkar kl 17:05 þar sem við lendum kl 19:10 á staðartíma. Flug til Winnipeg kl 22:15 þar sem við lendum kl 23:55 á staðartíma. Rúta bíður okkar, keyrt á næturstað Hampton Inn by Hilton Winnipeg Downtown.

Morgunverður á hótelinu milli 8:00 og 10:00 og að honum loknum verður farið í skoðunarferð um borgina á slóðir Vesturfaranna. University of Manitoba, heimsækjum íslenskudeildina þar, skristofur dagblaðsins Lögberg-Heimskringla, styttu af Jóni Sigurðssyni og ef tími gefst Assiniboine Park sem skiptist í dýragarð, grasagarð og höggmyndasafn svo eitthvað sé nefnt. Þennan daginn er hægt að borða hádegis- eða kvöldverð á veitingastaðnum Brazen Hall sem er starfræktur af og í eigu Íslendinga.

Morgunverður á hótelinu milli 8:00 og 10:00. Gönguferð um miðbæinn og skoðum okkur um svæði sem er þekkt sem The Forks, svo nefnt því þar mætast árnar Assiniboine og Red River. Síðan heimsækjum við Saint Boniface-hverfið sem er jafnan talað um sem franska hverfið áður en við endum daginn með heimsókn til mannréttindasafns borgarinnar, The Human Rights Museum.

Morgunverður á hótelinu milli 7:00-9:00. Þessi dagur fer í ferðalag í átt að landamærum Kanada og Bandaríkjanna, þar sem við förum áleiðist til Borgarinnar Langdon í Norður Dakóta. Á ferðalaginu munum vi ðkoma við í Icelandic State Park, kynna okkur garðinn og heimsækja safnið þar. Endum daginn í Landgon og gistum á Langdon Cobblestone Inn.  

Morgunverður á hótelinu. Þennan dag munum við heimsækja Mountain, einn af þeim sjö bæjum sem mynda Íslendingasamfélagið ICA.
Þar er haldin  The Annual Deuce of August Icelandic Celebration hátíðin og tökum við þátt í dagskránni þar.
Kl 10:30: Skrúðganga.
Kl 12:00: Skoðunarferð með leiðsögumanni til bæjanna Gardar og Thingvalla sem tilheyra einnig ICA.
Kl 14:00: Heritage program.
Við endum daginn aftur í Langdon á sama gististað og nóttina áður.

Morgunverður á hótelinu og kl 9:00 leggjum við af stað aftur yfir landamærin til bæjarins Selkirk í Manitoba. Þegar þangað er komið gefst frjáls tími og hægt er að heimsækja einhverjar af þeim verslunum sem þar eru eins og Walmart, Canadian Tire, Mark's and Dollarama. Gist á Canalta Selkirk. 

Morgunverður á hótelinu. Lagt af stað kl 8:00 þennan daginn, setjum stefnuna á Icelandic Festival of Manitoba og tökum þátt í dagskránni þar.
Kl 10:30: Skrúðganga.
Kl 14:00: Almenn dagskrá.
Við endum daginn á hótelinu okkar, Lakeview Gimli Resort.

Frjáls dagur í bænum Gimli með aðgangi að Gimli Museum. Áfram gist á Lakeview Gimli Resort.  

Notum daginn í skoðunarferð um New Iceland héraðið, svæðið Hecla og bæinn Arborg með heimsókn í safnið Arborg Museum.
Áfram gist á Lakeview Gimli Resort.

Við höldum áleiðis til Winnipeg þar sem við munum gista á Hampton Inn Airport. Á leiðinni gefst möguleiki á að heimsækja Lower Fort Garry sem er sögulega mikilvæg bygging fyrir svæðið eða þá að koma við í Polo Park til að versla.

Byrjum daginn með morgunverði á hótelinu áður en við erum keyrð út á flugvöll. Flug til Toronto kl 14:35 á staðartíma og áætluð lending í Toronto kl 18:00. Flugið okkar til Íslands fer kl 21:00 á staðartíma og áætluð lending heima í Keflavík kl 06:20 á staðartíma þann 9. ágúst.