Jakobsvegur: síðustu 100 km – haust 2025

Beint flug frá KEF til Porto. Tekið í loft frá KEF kl 15:00, áætluð lending í Porto kl 20:05 að staðartíma.
Rúta til Sarria, tékkað inn á hótel.

Gengið eftir rólegum sveitavegum um fallegar sveitir og þorp þar til við komum á náttstað í Portomarin.

Áfram höldum við um fallegar sveitir, yfir ána Mino sem er lengsta á Galisíu og hækkum okkur hægt og rólega upp á Serra de Ligonde þar til við komum í náttstað í Palas de Rei.

Frá Palas de Rei liggur leiðin niður í móti og áfram göngum við milli þorpa og bæja. Í hádegismat gæti verið upplagt að setjast niður á veitingastað og fá sér smokkfisk sem er mjög hefðbundinn réttur Galisíubúa. Náttstaður í Arzua.

Viðfangsefni dagsins eru fallegir skógarstígar, róleg þorp og brýr yfir hinar ýmsu ár og læki þar til við komum til O'Pedrouze.

Þegar við nálgumst borgina förum við að sjá í kirkjuturna dómkirkjunnar. Í útjaðri borgarinnar er Lavacolla, þar sem pílagrímar fyrri alda fóru í bað í ánni til að þvo af sér ferðarykið áður en haldið yrði til kirkju. Það er mögnuð tilfinning að ganga inn á torgið við dómkirkjuna í Santiago, þvílíkur endir á góðri göngu! Við gistum svo tvær nætur í borginni.

Það er ýmislegt hægt að gera til að njóta borgarinnar; skoða dómkirkjuna, gamla bæinn (sem er á heimsminjaskrá UNESCO), fara á matarmarkaðinn, safn sem tileinkað er pílagrímum síðustu alda, fara í vínsmökkun og njóta góðs matar svo eitthvað sé nefnt.

Við tökum daginn tiltölulega snemma og förum með rútu til Finisterre, þar sem heimamenn héldu á öldum áður að væri endi alheimsins, skoðum okkur þar um og höldum síðan til Porto þar sem flugið okkar fer í loftið kl 21:05, áætluð lending í KEF kl 00:10 að staðartíma þann 22. september.