Portúgalski Jakobsvegurinn liggur frá Lissabon um Porto til Santiago de Compostela. Hópurinn ætlar að ganga frá Porto til Santiago meðfram hvítum sand- og klettaströndum, um skógarstíga og sveitaþorp. Við munum njóta þess að finna lyktina af sumrinu, gæða okkur á góðum mat, rækta líkama og sál og njóta þess að vera til í góðum félagsskap og fallegu umhverfi.
-
Margrét Jónsdóttir Njarðvík, Elínborg Sturludóttir og Þórhalla Andrésdóttir. Aðstoðarkona: Anna Ingadóttir
-
14. júní - 1. júlí 2025
-
599.000
-
110.000
-
Eftirstöðvar greiðast fyrir 30. apríl 2025 – greiðsluseðill kemur í netbanka
-
149.750
-
18
Heildarvegalengd er 300 km, dagleiðir eru 20-30 km. Þátttakendur taki ábyrgð á því að þær hafi heilsu og úthald í þetta mikla göngu. Mögulega er hægt að taka leigubíl einhverja daga til að stytta göngu ef viðkomandi þarf á því að halda, en það er á kostnað þess sem gerir það. Anna aðstoðarkona í fylgdarbíl sér um að græja hádegismat og ýmislegt fleira, en sér ekki um að keyra þátttakendur milli staða, nema einhver verði veik. Gengið er í þögn fram að hádegi. Gengið er með léttan dagpoka. Farangur er trússaður á milli gististaða, ein taska (max 12 kg) á hvern þátttakanda.
Ferðin tekur samtals 18 daga. Fyrir utan ferðadaga til og frá Íslandi eru þetta 16 dagar, þar af 12-13 göngudagar með einum hvíldardegi inni á milli. Eftir komu til Santiago verður dvalið eina nótt þar og síðan farið til Finisterre (heimsenda), áður en haldið er aftur til Porto. Flogið er í beinu flugi frá Íslandi til Porto 14. júní og komið heim sömu leið 1. júlí. Rúmlega helmingur leiðarinnar er um Portúgal en síðari hluti göngunnar í Galisíu á Spáni.
