Töfrar Istanbul

Beint flug frá KEF til Istanbul með Icelandair. Brottför frá KEF 15:25, áætluð lending í Istanbul kl 23:55. Ekið með hópinn á 5* hótel í Beyoglu hverfinu, sem iðar af mannlífi. Hægt að fara beint í bólið eða taka næturrölt um bæinn.

Við fáum okkur morgunmat á ferjunni, ævintýri dagsins er Balat, sem geislar af sögu, hvert sem litið er. Hér blandast saman kristnar kirkjur, bænahús gyðinga og íslamskt samfélag, ásamt list- og kaffihúsum sem gefa svæðinu nýtískulegan blæ. Við heimsækjum járnkirkjuna, algjörlega einstakt mannvirki. Við skoðum einnig forn borgarmörk Konstantínópel, minna þekkt svæði borgarinnar, höll Patríarkanna, Süleymaniye moskuna sem er sköpunarverk Mimar Sinan sem oft er sagður frægasti arkitekt Ottoman veldisins. Um kvöldið verður sigling á Bosphorus sundi, þar sem við njótum sólarlagsins.

Verkefni dagsins eru leyndardómsfulla neðanjarðarborgin Basilica Cisterns, hin stórfenglega Hagia Sophia moska, og Grand Bazaar markaðurinn sem hefur verið starfandi síðan á 16. öld. Þau sem starfa á markaðnum skipta þúsundum og göturnar tugum. Eftir það er tími á stefnumót við nútíma Istanbul, Istiklal Stræti þar sem milljónir rölta um á hverjum degi og þar er líka að fara í búðir og versla. Við skoðum líka hliðargötur breiðstrætisins, sem opna fyrir okkur leyndarmál Istanbul. Við heimsækjum eitt af einkennum borgarinnar, Galata Turninn, og endum á að skoða Egypskan krydd markaðinn sem er sannarlega veisla fyrir skynfærin.

Istanbul er borg þar sem allt getur gerst. Frítími til að skoða borgina á eigin vegum, fara t.d. í útsýnisflug með þyrlu, njóta þess að fara í tyrkneskt bað, eða rölta um og versla.

Við kveðjum Istanbul með fangið fullt af minningum. Dagurinn tekinn snemma með akstri á flugvöllinn. Tekið á loft kl 7:05 og áætluð lending í KEF kl 10:00.