Skiptinám á Spáni með MUNDO og INTO

Hefurðu hugsað um að lofa unglingnum á heimilinu að fara í skiptinám en hikar svo þegar kemur að óvissuþáttunum og þeirri staðreynd hvað heimurinn er stór og hversu margt gæti komið uppá? MUNDO þekkir þá tilfinningu og ákvað þess vegna að bjóða upp á skiptinám í mjög öruggu umhverfi þar sem Mundo þekkir afar vel til og getur gripið inní hvenær sem er. Eigandi Mundo er vararæðismaður Spánar, höfundur spænsk-íslensk-spænsku orðabókarinnar og með sambönd sem tryggja skiptinám eins og það gerist best. Foreldrar frá reglulegar fréttir frá fyrstu hendi án menningar og tungumálaörðugleika.

Traustur samstarfsaðili

Eftir mikla umhugsun og leit að vænlegum og traustum samstarfsaðila ákvað Mundo að vinna með Mundo á Spáni og INTO samtökunum. Um ræðir lítil fyrirtæki – sem heldur vel og persónulega utan um ungmennin þannig að ef eitthvað kemur uppá þá er aldrei gripið í tómt og málin leyst í samvinnu allra aðila. Eva Arenales er eigandi Mundo á Spáni og hefur unnið með Mundo frá upphafi. Hún er sú sem heldur utan um sumarbúðir Mundo á Spáni og hefur sjálf oft komið til Íslands. Sökum þess að sífellt fleiri fara með Mundo til Spánar þá tókum við upp samstarfs við INTO samtökin í Madrid. Þeim er stýrt af Alena Válková og fara fyrstu skiptinemarnir með þeim út í september 2018. INTO varð fyrir valinu af mörgum öðrum sökum faglegra vinnubragða.

Spænska er töluð í yfir tuttugu löndum og eykst mikilvægi hennar með ári hverju. Því er spænskuþekking ungmenna fjársjóður sem endist og er gagnleg til að ferðast til Rómönsku Ameríku, Bandaríkjanna og Afríku.  Mundo mælir hins vegar með því að senda ungmennin til Spánar á meðan þau eru enn svona ung. Nægur er menningarmunurinn samt.

Skiptinám getur verið stórkostleg reynsla sem hjálpar ungmennum að vaxa undurhratt á skömmum tíma auk þess að ná góðum tökum á nýju tungumáli. Rannsóknir sýna að þau ungmenni sem fara út sem skiptinemar búa að því alla ævi.

Mundo heldur sérlega vel utan um skiptinemana á Spáni og kemur eigandi Mundo út í febrúar á ári hverju, leigir hús fyrir krakkana eina helgi og tekur púlsinn. Þar að auki er starfsmaður Mundo ávallt á línunni reiðubúinn til að styðja við krakkana í nýjum og krefjandi aðstæðum.

Hægt að dvelja 3, 4 og 10 mánuði

Skiptinámið er fyrir 14-18 ára krakka (miðað við aldurinn þegar lagt er af stað í skiptinámið) og geta þau valið á milli þess að dvelja þar í 3, 4 eða 10 mánuði. Dvalið er hjá vel völdum fjölskyldum víðsvegar um Spán og nærri þeim öllum býr fulltrúi INTO eða MUNDO sem hefur valið fjölskyldurnar og fylgist með allan tímann.

Rannsóknir sýna að best er að dvelja í tíu mánuði því fyrstu mánuðirnir fara í aðlögun og hæpið er að ná tungumáli mjög vel á skemmri tíma.

Fjölskyldur

Fjölskyldurnar sem dvalið er hjá eiga það sameiginlegt að vilja opna heimili sitt fyrir íslensku ungmenni. Sumar hafa alþjóðlega reynslu og skilning, aðrar hafa alist upp í tvítyngdu umhverfi og skilja fullvel hvað menningarmismunur og aðlögun eru. Enn aðrar vilja bjóða börnunum sínum upp á nýja lífsreynslu heima fyrir. Fjölskyldurnar sem við vinnum með eru af öllum stærðum og gerðum, stórar og smáar, barnlausar og barnmargar, þar sem eru giftir og ógiftir einstaklingar. Við vöndum okkur vel við að para saman ungmenni og fjölskyldu. Eigandi Mundo miðar ávallt við spurninguna: Vildi ég setja mitt barn til þeirra? Ef svarið er já þá samþykkjum við fjölskylduna.

Dvalið er hjá fjölskyldum um allan Spán. Krakkarnir sem halda út í september dvelja í Galisíu, Madrid, Extremadura og Andalúsíu.

Undirbúningur

Áður en ungmennin halda til fósturfjölskyldnanna fara þau á undirbúningsnámskeið á Spáni en vitaskuld fara þau einnig á undirbúningsnámskeið á Íslandi. Þau kynnast þannig hinum krökkunum sem eru í sama prógrammi.

Þátttökuskilyrði:

1. Vera 14-18 ára þegar skiptinám hefst

2. Vera með lágmark 6,5 í meðaleinkunn í íslenskum skóla

3. Æskilegt er að vera með grunnþekkingu í spænsku en það er ekki nauðsynlegt. Mælt er með að hafa tekið spænsku í eitt ár eða hafa verið í sumarbúðum MUNDO. Ef ekki, þurfa verðandi skiptinemar að taka hraðnámskeið í spænsku fyrir brottför.

4. Hafa nægan þroska og sveigjanleika til að geta tekið þátt í alþjóðlegu samstarfi.

5. Vera við góða heilsu andlega og líkamlega og laus við alvarlega námsörðugleika. Lesblinda flokkast ekki sem alvarlegir námsörðugleikar.

Dagsetningar

Þriggja mánaða dvöl hefst 8. september og lýkur 11. desember eða þá að hún hefst 28. janúar og lýkur 30. apríl, eftir því hvort farið er að hausti eða á vormisseri.

Fjögurra mánaða dvöl hefst 8. september og lýkur 22. janúar eða þá að hún hefst  28. janúar og lýkur 29. maí, eftir því hvort farið er að hausti eða á vormisseri.

Ársdvöl hefst í september og lýkur í júní ef skiptinemi er skráður á fyrra ár stúdentsprófs. Þeir sem skráðir eru á síðara ár stúdentsprófs eru búnir í lok maí.

Umsóknarfrestur:

31. mars fyrir skiptinám sem hefst að hausti

15. október fyrir skiptinám sem hefst í janúar

Hvað er innifalið í gjaldinu?

1. Flug

2. Vandleg forkönnun á fósturfjölskyldum

3. Undirbúningur fyrir brottför

4. Undirbúningsnámskeið við komu til Spánar

5. Val á fósturfjölskyldu. Ungmenni má velja sér þrjú héruð sem mestan áhuga vekja og reynt er að verða við þeim óskum

6. Fullt fæði og húsnæði

7. Skóladvöl í opinberum spænskum skóla

8. Stuðningur, einstaklingsmiðuð ráðgjöf og eftirfylgni allan tímann.

9. Reglulegar fréttir berast foreldrum frá MUNDO

10. Handbók. Nemendur fá ítarlegan upplýsingabækling með gagnlegum upplýsingum um Spán

11. Áreiðanleg samskipti, fagmennska og stuðingur ef eitthvað kemur uppá

12. Mögulegt er að sumar fjölskyldur hafi tvo skiptinema á sama tíma. Þeir eru aldrei af sama þjóðerni og slíkt er ekki gert nema foreldrar séu samþykkir því.

 

Hvað er ekki innifalið í skiptináminu?

1. Skoðunarferðir

2. Skólabíll þar sem það á við

3. Tómstundir (tónlistarnám, dans og annað)

4. Skólaferðir

5. Tryggingar fyrir utan það sem íslenskar sjúkratryggingar veita. Skylda er að vera með tilskyldar tryggingar (ábyrðartryggingu sem kostar ca 70 evrur) og evrópskt sjúkrakort

6. Aukatímar í spænsku

7. Vasapeningar

8. Skólabækur

Verð fyrir 2018-2019 eru eftirfarandi: 

3ja mánaða dvöl : 1.250.000

4 mánaða dvöl: 1.350.000

heilt skólaár: 1.850.000

Greiðslur fara fram með eftirfarandi hætti:

Umsóknargjald 150 þúsund er óafturkræft og greiðist við afhendingu umsóknar. Fari svo ólíklega að umsókninni verði hafnað úti þá endurgreiðum við 120 þúsund af því fé. 50% af gjaldinu greiðist 31. maí og afgangur þann 15. júlí. Fyrir brottför í janúar greiðist 50% fyrir 31. október og afgangur fyrir 15. desember.

Allar nánari upplýsingar veitir Margrét Jónsdóttir Njarðvík en hún hefur áratuga langa reynslu af skiptinámi og skiptinemum, Spáni og Spánverjum, sendingu og móttöku af Spánverjum og talar spænsku eins og innfædd. Með skiptinámi á Spáni vinnum við með land sem er öruggt, fjölskyldur sem við þekkjum og með samstarfsaðilum sem við treystum.

Ef þér líst á það sem þú lest hér, þá er næsta skref að panta viðtal. Margréti er hægt að ná í hjá: margret@mundo.is og í síma 691 4646.

Viltu fá nánari upplýsingar um skiptinám á Spáni, sendu okkur línu.

Innborgun fyrir skiptinám á Spáni