Frítt fyrir unglinga í sumarbúðir í Reykjavík sumarið 2019!!

Frábært tækifæri fyrir unglinga á aldrinum 13-16 ára til að kynnast nýjum jafnöldrum frá Íslandi og Spáni og eiga ævintýralegar þrjár vikur í sumar. Viltu vita hvernig það er hægt? 

Dagana 26. júní til 18. júlí 2019 verða hér á landi 25 spænsk ungmenni (13-16 ára) í sumarbúðum Mundo í Reykjavík. Við hjá Mundo ferðaskrifstofu leitum nú að fósturfjölskyldum á höfuðborgarsvæðinu, fjölskyldum sem eiga ungmenni á sama aldri sem vilja taka þátt í sumarbúðunum sér að kostnaðarlausu.

Um ræðir ævintýri fyrir alla fjölskylduna, tækifæri fyrir unglinginn ykkar til að eiga í alþjóðlegum samsktiptum, læra spænsku og stofna til vináttu fyrir lífstíð. Sumarbúðirnar byggja á win win sambandi við fósturfjölskyldurnar. Dæmi: Ef það er 15 ára strákur í fjölskyldunni þá hýsir fjölskyldan 14-16 ára spænskan strák og hugsar um hann sem sitt eigið barn í 3 vikur. Í staðinn býðst unglingnum í fjölskyldunni að sækja spænskunámskeið og taka þátt í afar fjölbreyttri dagskrá með hópnum allan tímann.

Farið verður í vettvangsferðir, allskonar útidagskrá, dagskrá með Vinnuskólanum í Reykjavík, eina útilegu, o.fl. Þetta er ævintýri! Mundo sér um unglingana frá 9-16 en fjölskyldan eftir það og um helgar. Unglingurinn kynnist 24 nýjum íslenskum krökkum á sama aldri og 25 spænskum. Frábært tækifæri fyrir unglinga til að víkka sjóndeildarhringinn og hafa gaman af í leiðinni. Mundo hefur samið við Reykjavíkurborg um samvinnu þannig að unglingarnir sem taka þátt i sumarbúðunum og eru einnig skráðir í Vinnuskólann, að þau sem verða jafnframt skráð í Vinnuskólann fái sveigjanleika til að taka þátt í sumarbúðunum samhliða vinnunni. Sumarbúðirnar í Reykjavík endurspegla gildi Mundo sem eru menntun, skemmtun, menning og þjálfun. Blandað er saman menntun og skemmtun sem og dagskrá í Vinnuskóla. Hiklaust má segja að sumarbúðirnar séu hraðnámskeið í alþjóðasamskiptum og menningarlæsi. Nánari upplýsingar hjá margret@mundo.is

Umsögn föður sem tók þátt í dagsrkánni í fyrra: “Þetta er besta fjölskyldumeðferð sem hægt er að hugsa sér. Við fjölskyldan gerðum alls kyns skemmtilega hluti saman sem við hefðum aldrei gert annars. Sumarbúðirnar færðu okkur nýjan erlendan vin en dýpkaði samskipti okkar hinna innbyrðis”.

  • Að fara í sumabúðir Mundo var spennandi og skemmtileg ákvörðun. Maður er náttúrulega alltaf aðeins stressaður í byrjun en þetta kom seinna. Ég myndi 100% fara aftur ef það kæmi til boða því þetta var eitt það skemmtilegasta sem ég hef gert

    Elmar Ingi Kristjánsson Jansen
  • Æði. Mundi vera lengur ef ég gæti. Ég lærði sjálfstjórnun og áttaði mig á því að maður getur stjórnað viðbrögðunum sínum þegar maður lendir í einhverju slæmu.

    Þórunn Hekla Hjálmarsdóttir
  • Ég elska Mundo. Þessi ferð var æðisleg, ég kynntist helling af nýju fólki, lærði spænsku og skemmti mér hrikalega vel. Ég vil fara aftur!

    Haukur Árnason
  • Mér fannst þetta ótrúlega skemmtilegt og ég mæli með þessu fyrir alla. Þetta var ótrúleg reynsla.

    Bjarki Björnsson