fbpx

Sumarbúðir á Spáni fyrir 14-16 ára!!

 

Frábært tækifæri fyrir unglinga til að upplifa ævintýri á Spáni í sumar, læra nýtt tungumál, kynnast nýrri menningu og eignast nýja spænska og íslenska vini. Vilt þú taka þátt?

Ferðaskrifstofan Mundo býður 14-16 ára unglingum upp á menntandi sumardvöl í Aranda de Duero eða Zafra dagana 21. júní til 12. júlí. Að dvöl lokinni eiga krakkarnir að geta bjargað sé á spænsku og þau sem byggja á grunni ættu að verða talandi á spænsku. Hugmyndafræðilegur rammi sumarbúðanna byggir á leiðtoganámskeiði þar sem unnið er með ungmennum í nýjum aðstæðum. Krakkarnir vinna með gildin sín, læra að tileinka sér að hafa frumkvæði, skipuleggja fram í tímann, forgangsraða, setja sig í spor annarra, finna góða lausn fyrir báða aðila, vinna vel í hópi og hugsa vel um sig. Allt er þetta tengt við menningarlæsi og það að þurfa að standa á eigin fótum í nýrri menningu. Vilt þú taka þátt í ógleymanlegu sumarævintýri, öðlast alþjóðlega reynslu, læra spænsku á mettíma og verða leiðtoginn í þínu eigin lífi?

Ef svarið er já, lestu áfram!

Það eru engar ýkjur að sumarbúðir Mundo eru flaggskip ferðaskrifstofunnar enda það fyrsta sem við skipulögðum. Sumarbúðir Mundo hafa nú verið starfræktar í 10 ár. Þátttakendur dvelja á spænskum heimilum þar sem eru ungmenni á svipuðum aldri. Þannig eru íslensku krakkarnir í öruggu umhverfi og í félagsskap spænskra ungmenna, nokkuð sem flýtir fyrir tungumálanáminu og eykur líkurnar á að vináttusambönd myndist fyrir lífstíð. Spænskir foreldrar eru þekktir fyrir að hugsa einstaklega vel um börnin sín og enn betur um annarra manna börn. Spænsku krakkarnir taka fullan þátt í dagskránni og sækja enskunámskeið á meðan íslensku krakkarnir er á spænskunámskeiði. Síðdegis eru spænsku og íslensku krakkarnir saman í skemmtilegu prógrammi. Alla virka daga munu nemendur stunda spænskunám og leiðtoganámskeið í um fjórar klukkustundir á morgnana. Seinni partinn er svo skipulagt félagsstarf og tómstundir, svo sem íþróttir, sundlaugaferðir, og skoðunarferðir til Burgos, San Sebastian og á ströndina. Með í ferðinni verður Margrét Jónsdóttir Njarðvík, eigandi Mundo og spænskukennari, en hún mun halda utan um krakkana á meðan á dvölinni stendur. Auk hennar verða bæði íslenskir og spænskir starfsmenn sem tryggja öryggi krakkanna allan tímann.

Lagt verður af stað til Spánar þann 21. júní og er heimkoma 12. júlí. Búðirnar 2020 verða annað hvort í Zafra eða Aranda de Duero. Aranda er  33 þúsund manna bær sem er í 200 kílómetra fjarlægð beint norður af Madrid. Bærinn er frægastur fyrir Duero vínin en þar er einnig heilmikill iðnaður. Bærinn er jafnframt lítill og öruggur en hefur flest sem unglingar hafa gaman af en ekki það sem foreldrar óttast. Zafra er 18 þúsund manna bær, undurfallegur í Extramadurahéraði og um 150 km fjarlægð frá Sevilla. Hann er fullur af lífi, þar er mikið sungið og dansað flamenco.

Skilyrði fyrir þátttöku er að snerta enga vímugjafa af hvaða tagi sem er. Auk þess er bannað að vera með tölvur og orkudrykki. Til að geta sótt um í sumarbúðirnar þarf að mæta í viðtal ásamt foreldri þar sem starfsmaður Mundo metur það hvort við teljum að ungmennið ráði við að vera í sumarbúðum. Mundo er þekkt fyrir að hafa einstakt lag á unglingum. Í gegnum árin höfum við lært að það ráða ekki allir við að fara 3 vikur í burtu og því vöndum við valið á krökkunum. Ef krakkar eru til dæmis haldnir miklum kvíða eða tölvufíkn þá treystum við okkur ekki til að vinna með það. Við erum ekki meðferðaraðilar heldur einungis frábær í að eiga við unglinga.

Innifalið eru flugferðir, gisting, spænskunámskeið, leiðtoganámskeið, skoðunarferðir og fæði allan tímann. Unglingar þurfa ekki að hafa með sér annað en lágmarksvasapening.

Verð 2019: 499.000 kr. Staðfestingargjald 100.000 kr (óendurkræft) greiðist við skráningu. Eftirstöðvar greiðist í seinasta lagi 6 vikum fyrir brottför.

Nánari upplýsingar veitir Margrét Jónsdóttir Njarðvík í síma 691 4646 og í netfanginu margret@mundo.is

Pantaðu viðtal fyrir sumarbúðir hér.

  • Að fara í sumabúðir Mundo var spennandi og skemmtileg ákvörðun. Maður er náttúrulega alltaf aðeins stressaður í byrjun en þetta kom seinna. Ég myndi 100% fara aftur ef það kæmi til boða því þetta var eitt það skemmtilegasta sem ég hef gert

    Elmar Ingi Kristjánsson Jansen
  • Æði. Mundi vera lengur ef ég gæti. Ég lærði sjálfstjórnun og áttaði mig á því að maður getur stjórnað viðbrögðunum sínum þegar maður lendir í einhverju slæmu.

    Þórunn Hekla Hjálmarsdóttir
  • Ég elska Mundo. Þessi ferð var æðisleg, ég kynntist helling af nýju fólki, lærði spænsku og skemmti mér hrikalega vel. Ég vil fara aftur!

    Haukur Árnason
  • Mér fannst þetta ótrúlega skemmtilegt og ég mæli með þessu fyrir alla. Þetta var ótrúleg reynsla.

    Bjarki Björnsson
  • Ég hef vaxið og dafnað meira á þessum 3 vikum heldur en á 3 árum í daglegu lífi. Þegar ég fór í sumarbúðir Mundo ætlaði ég eingöngu að koma heim með nýtt tungumál. Að vísu gerði ég það, en ég kom einnig heim með aukna þekkingu á sjálfum mér og aukna virðingu fyrir öllu og öllum í kringum mig. Ég myndi ekki hika við að fara aftur, fengi ég annað tækifæri til þess.

    Edda Steinþórsdóttir
  • Sumarbúðir Mundo er það skemmtilegasta sem ég hef gert! Ég eignaðist spænska og íslenska vini sem ég mun aldrei gleyma og systur eins og ég hef alltaf óskað mér. Ég hefði viljað vera miklu lengur!

    Ingunn Jóna Valtýsdóttir
  • Að fara í sumarbúðir hjá Mundo er ein besta ákvörðun sem ég hef tekið. Ég lærði helling bæði um Spán og um mig sjálfan. Klikkað stuð, æðislegir krakkar og frábær stemning lýsir þessari ferð best. Ég mæli hiklaust með þessu!

    Gauti Steinþórsson
  • Að fara í sumarbúðir Mundo er án efa besta ákvörðun sem ég hef tekið. Þetta er svo þroskandi og gefandi, og maður eignast svo marga vini. Ég mæli hiklaust með þessu, því ég kynntist fólki sem ég mun aldrei gleyma.

    Margrét Harpa Benjamínsdóttir
  • Sumarbúðir Mundo voru lífsbreytandi fyrir mig. Ég fór út fyrir þægindarammann og kynntist æðislegu fólki. Þetta var það skemmtilegasta sem ég hef gert!

    Helena Ásta Ingimarsdóttir
  • Ég lærði mikið meðan á dvölinni stóð, mest um spænska matarmenningu, listasögu og auðvitað lærði ég líka margt gagnlegt í spænsku. Mér fannst ég líka kynnast Spánverjum vel og það var gaman. Það mikilvægasta var þó að læra að setja sér markmkið og ákveða að fylgja þeim. Ég er enn sami gamli góði ég en reynslumeiri.

    Kristján Skírnir Kristjánsson
  • Mér fannst aðdáunarvert hvað Mundo hélt vel utan um íslenska hópinn og gerði þeim ljóst frá upphafi að leitað yrði leiða til að aðstoða þau ef þau ættu í vanda. Starfsfólk Mundo er reynslumikið og veit hvað komið getur upp á. Við foreldrarnir fengum fréttir og myndir af krökkunum daglega og sáum þar svart á hvítu hvað það var gaman. Þarna var boðið upp á fullkomna blöndu af fræðslu og skemmtun. Sonur minn var himinlifandi með Spánardvölina og við foreldrarnir líka.

    Gerður Kristný Guðjónsdóttir
  • Þetta voru 3 bestu vikur lífs míns. Ég var skíthrædd áður en ég fór, en svo var þetta ekkert mál. Mér leið vel, það var mjög vel hugsað um mig og ég var hjá góðri fjölskyldu. Ég lærði svo margt á þessum þremur vikum, t.d. lærði ég að standa á eigin fótum. Svo eignaðist ég fullt af nýjum vinum, bæði spænskum og íslenskum. Ég get ekki lýst því hvað þetta var gaman.

    Valdís Inga Magnúsdóttir
  • Sumarbúðir Mundo er það skemmtilegasta sem ég hef gert. Fjölskyldan sá svo vel um mann og allir voru svo yndislegir. Kynntist fullt af nýju fólki og umhverfið í kring er mjög fallegt. Mæli eindregið með þessari ferð. Mundo er æði!

    Kristín Sigrún Áss Sigurðardóttir