Þjálfunarbúðir í Zafra sumarið 2019

Ferðaskrifstofan Mundo, býður framhaldsskólanemum upp á menntandi sumardvöl í Zafra dagana 9.-30. júní 2019. Að dvöl lokinni eiga þátttakendur að geta bjargað sé á spænsku og þau sem byggja á grunni ættu að verða talandi á spænsku. Hugmyndafræðilegur rammi þjálfunarbúðanna byggir á því að spænskukunnátta úr framhaldsskóla verði að þekkingu sem hefur geymsluþol auk þess sem krakkarnir verða óhrædd við að nota spænsku og harðákveðin í að læra hana til fullnustu. Þátttakendur búa hjá fjölskyldum og ferðast þannig innan frá um Spán.  Um ræðir alþjóðlega reynslu í öruggu og ögrandi umhverfi.

 

Þjálfunarbúðir Mundo hafa nú verið starfræktar í 8 ár og eru vinsældirnar slíkar að við höfum verið í tveimur þorpum á Spáni frá 2014. Uppselt hefur verið í búðirnar undanfarin 5 ár en nú er hópnum skipt upp eftir aldri þannig að framhaldsskólakrakkar eru sér.

Þátttakendur dvelja á spænskum heimilum þar sem er haldið utan um þau allan tímann. Þannig eru íslensku ungmennin í öruggu umhverfi og í félagsskap Spánverja allan tímann, nokkuð sem flýtir fyrir málanáminu og hámarkar öryggi dvalarinnar. Spænskir foreldrar eru þekktir fyrir að hugsa einstaklega vel um krakkana sína og enn betur um annarra manna krakka.

 

Kennt er kvölds og morgna og í gegnum ævintýri og verkefni þannig að ómögulegt verður annað en læra hratt og vel.  Færniþættirnir fjórir eru þjálfaðir þannig að hlustun, ritun, lestur og talað mál eru æfð daglega til að hámarka framfarir í málinu og gera krakkana æsta í að mastera spænsku.

Auk spænskunámsins verður farið í skoðunarferðir sem jafnframt eru menningarferðir. Þannig verða einar merkustu menjar Rómverja í Mérida skoðaðar, farið til Sevilla þar sem Márar, gyðingar og kristnir menn bjuggu saman auk þess sem farið verður á strönd. Unglingarnir í eldri þjálfunarbúðunum eru frjálsari og geta valið að dvelja á gistiheimili í Zafra ef þess er sérstaklega óskað en það kostar 100 þúsund krónur aukalega. Við mælum síður með því þar sem það rýrir spænskunámið. Með í ferðinni verður starfsmaður Mundo sem heldur utan um krakkana og  tryggir öryggi þeirra allan tímann.

Alla virka daga munu nemendur stunda spænskunám og leiðtoganámskeið í um fjórar klukkustundir. Þá er skipulagt félagsstarf svo sem íþróttir, sundlaugaferðir,  og skoðunarferðir. Farið verður m.a. í dagsferðir til Mérida, Sevilla og á ströndina. Á morgnana er farið í dagskrá og félagsstörf og seinni partinn er einnig spænskukennsla auk afþreyingar. Þátttakendur geta valið á milli þess að dvelja hjá fjölskyldu eða á gistiheimili.

Lagt verður af stað til Zafra þann 9. júní og heimkoma er 30. júní. Zafra er um 16 þúsund manna bær norðvestur af Sevilla (90 mín akstur). Bærinn er lítill og öruggur en hefur flest sem unglingar hafa gaman af en ekki það sem foreldrar óttast. Um ræðir 18 þúsund manna bæ sem er í 250 kílómetra suðvestur af Madrid. Bærinn var undir yfirráði Mára á sínum tíma, sem skilur eftir sig fallegar byggingar, en bærinn er einnig frægur fyrir mikinn landbúnað og iðnað.

Skilyrði fyrir þátttöku er að vera sjúkur í að læra spænsku, lenda í ævintýrum og eignast nýja vini.

Innifalið eru flugferðir, gisting, spænskunámskeið, leiðtoganámskeið, skoðunarferðir og fæði allan tímann. Þátttakendur þurfa ekki að hafa með sér annað en lágmarksvasapening.

Verð: 479.000 kr. Staðfestingargjald 100.000 kr (óendurkræft) greiðist við skráningu. Eftirstöðvar greiðist í seinasta lagi 6 vikum fyrir brottför.

Nánari upplýsingar veitir Margrét Jónsdóttir Njarðvík í síma 691 4646 og í netfanginu margret@mundo.is

  • Að fara í sumabúðir Mundo var spennandi og skemmtileg ákvörðun. Maður er náttúrulega alltaf aðeins stressaður í byrjun en þetta kom seinna. Ég myndi 100% fara aftur ef það kæmi til boða því þetta var eitt það skemmtilegasta sem ég hef gert

    Elmar Ingi Kristjánsson Jansen
  • Æði. Mundi vera lengur ef ég gæti. Ég lærði sjálfstjórnun og áttaði mig á því að maður getur stjórnað viðbrögðunum sínum þegar maður lendir í einhverju slæmu.

    Þórunn Hekla Hjálmarsdóttir
  • Ég elska Mundo. Þessi ferð var æðisleg, ég kynntist helling af nýju fólki, lærði spænsku og skemmti mér hrikalega vel. Ég vil fara aftur!

    Haukur Árnason
  • Mér fannst þetta ótrúlega skemmtilegt og ég mæli með þessu fyrir alla. Þetta var ótrúleg reynsla.

    Bjarki Björnsson