Jakobsvegur: Síðustu 100km í rólegheitum

Gönguferð fyrir þá vilja smjatta á lífinu á meðan við njótum þess að ganga síðustu 100 km á Pílagrímastígnum á rólegum hraða, þar sem skiptast á hólar og hæðir, skógar, landbúnaðarhéruð, borgir og bæir. Þessi ferð stendur svo sannarlega undir einkunnarorðum Mundo: menntun, skemmtun, menning og þjálfun. Hámarksvegalengdir eru 13 -15 km á dag, en sé komin þreyta í tærnar er alltaf hægt að hoppa upp í leigubíl til að komast á næsta gististað. Leiðin liggur um Galisíu, eitt fallegasta hérað Spánar, frá bænum Sarria til Santiago de Compostela. Í Galisíu er allt grænt og vænt og sumarið farið að vakna úr dvala á þessum tíma.  Farið er á milli lítilla þorpa og inn í nokkra bæi og er sums staðar gist tvær nætur í röð á sama stað þar sem farið er helmingi hægar en í venjulegum pílagrímagöngum.
Gistingin er hluti af upplifuninni þar sem hægt er. Það er alltaf lín á rúmum, handklæði og sturta og leitast er við að hafa gistinguna eins fjölbreytta og unnt er (klaustur, bændagisting og í það minnsta ein nótt verður á reglulega fínu hóteli).
Mundo er sönn ánægja að tilkynna samstarf við Sögu – Story House en það er fyrirtæki sem á margt sameiginlegt með gildum Mundo. Þær stöllur Ingibjörg Valgeirsdóttir og Guðbjörg Björsdóttir, stofnendur Sögu – Story House, verða fararstjórar í ferðinni.