Leiðtogastarf í bandarískum sumarbúðum f. 18 – 30 ára

Viltu upplifa ógleymanlegt sumar þar sem þú býrð til minningar fyrir lífstíð og öðlast ómetanlega reynslu fyrir framtíðina?

Í samstarfi við bandarísku samtökin CIEE (Council on International Educational Exchange) býður Mundo upp á leiðtogastarf f. 18 – 30 ára í bandarískum sumarbúðum. Ef þú hefur reynslu og ánægju af því að vinna með börnum, langar að gefa af þér, upplifa útivist, sumar og ævintýri erlendis þá er þetta prógram kannski málið fyrir þig?

Skilyrði fyrir þáttöku:

• vera á aldrinum 18-30 ára
• búa yfir góðri enskukunnáttu (tal, skrif og lestur). Enskukunnátta er metin af Mundo og CIEE, gott er einnig að fá meðmæli frá enskukennara
• reynsla og áhugi á að vinna með börnum og unglingum
• snerta ekki á áfengi eða öðrum vímugjöfum á meðan sumarbúðum stendur
• umsækjendur þurfa að vera fyrirmyndir í lífstíl, opnir, hlýir, gefandi og tilbúnir til að leiðbeina börnum og unglingum á uppbyggilegan hátt
• hafa tök á því að dvelja í Bandaríkjunum milli 15. júní til 20.  ágúst (a.m.k. 8 vikur).
• umsækjendur þurfa að búa yfir reynslu í því að vinna með börnum auk reynslu í því að kenna eitthvað sem gæti komið til nota í sumarbúðum (t.d. vatnsíþróttir, tennis, bogfimi, reynsla af hestum o.s.frv.)
• hafa hreint sakavottorð

Umsóknarfrestur:

• 1. apríl (ef sótt er um eftir 1. apríl þarf að greiða seinskráningargjald upp á 150 USD)

Innifalið:

• gisting og fæði í sumarbúðum (8 – 10 vikur)
• ferðamáti innan Bandaríkjanna frá Meet & Greet (ef við á) til sumarbúða
• viðtöl, leiðsögn, undirbúningur og aðstoð á Íslandi áður en haldið er út
• þjálfun og undirbúningur fyrir sumarbúðastarfið þegar komið er út
• Mundo bókar fyrir þig flug til og frá Bandaríkjunum (og greiðir þú kostnaðarverð fyrir það)
• “Visa sponsorship” – CIEE útbýr fyrir þig DS-2019-eyðublaðið og greiðir SEVIS-gjald (Student Exchange Visitor Information System). Þetta þýðir að þú getur sótt um J-1 vegabréfsáritun til Bandaríkjanna
• gisting í eina nótt í Boston eða New York til að taka þátt í “meet & greet” með CIEE og öðrum tilvonandi sumarbúðaleiðtogum (ath. að ekki taka allar sumarbúðir þátt í þessu prógrammi)
• CIEE aðstoðar þig við að komast frá “meet & greet” á flugvöll, lestar- eða rútustöð fyrir áframhaldandi ferðalag til sumarbúðanna (athugið að ekki allar sumarbúðir taka þátt í þessu “meet & greet” – CIEE and camp will also arrange and pay for domestic travel onward to camp. Participant may be responsible for upfront cost but will be reimbursed. Please note, all participants will be responsible for any local ground transportation costs from the Meet & Greet site to the bus/train station or airport where they will commence their onward travel to camp.)
• 24/7 aðstoð á meðan á sumarbúðadvöl stendur hjá CIEE
• CIEE útvegar tryggingar á meðan á sumarbúðadvöl stendur
• eftir að sumarbúðum lýkur getur þú ferðast um Bandaríkin á vegabréfsárituninni þinni í allt að 30 daga
• skírteini og meðmæli að loknu vel heppnuðu sumarstarfi
• vasapeningur (laun) frá sumarbúðum að loknu starfi (1550 USD f. undir 21 árs og 1750 USD fyrir eldri en 21 árs, og 100 USD aukalega sértu ráðin/n í sumarbúðir sem þjónusta börn með sérþarfir)

kostnaður:

• 80.000 kr. kostnaður greiddur til Mundo (innifalið í því eru öll viðtöl, samskipti við CIEE, undirbúningur fyrir brottför og aðstoð við umsóknarferlið)
• flug og transport til og frá Bandaríkjunum (ferðamáti innan Bandaríkjanna, ef við á, er greiddur af CIEE),
• læknisvottorð
• sakarvottorð
• vegabréfsáritun
• vasapeningur

hvað þarf ég að gera fyrst?

• sækja um að koma í viðtal til Mundo sem metur hvort þú ert hæfur kandidat í sumarbúðaprógramið. Sótt er um viðtalstíma hér á síðunni eða með því að senda tölvupóst á mundo@mundo.is