Markþjálfun fyrir kennara
Hvað skiptir þig máli og hvað hvetur þig áfram? Ertu jafnvel ekki alveg viss? Mundo býður upp á námskeið í markþjálfun sem aðstoðar þátttakendur í að verða samkvæmari sjálfum sér ásamt því að verða öflugri og markvissari í leik og starfi.
Í markþjálfun er unnið með styrkleika einstaklingsins til að hámarka árangur. Ákveðin samtalstækni er notuð sem byggir á gagnkvæmum trúnaði milli markþjálfans og viðskiptavinar. Ferlið er bæði krefjandi og skemmtilegt samtal sem stuðlar að auknum persónulegum þroska og betri árangri í lífi og starfi.
- Nýtist vel á vinnustöðum við að efla enn frekar hæfni starfsmanna og stjórnenda.
- Aðstoðar einstaklinga við að skilgreina hvað skiptir þá virkilega máli og hvers vegna, hjálpar þeim að finna kjarnann.
- Virkjar sköpunargleði einstaklinga og hvetur þá til athafna, rúllar hlutum af stað og finnur farveg til þess að koma markmiðum í framkvæmd.
- Leið til að laða fram það besta í fólki og skilja betur sitt samferðafólk.
Námskeiðið er hægt að taka á einum degi eða dreifa yfir fleiri daga. Einnig er hægt að sérsníða það að þörfum viðkomandi hóps. Skipulag er eftirfarandi:
- 3-4 klst: Kynning á því hvað markþjálfun er, fræðin á bakvið hana, notkun og samtalstækni. Fjallað verður um hvernig markþjálfun, sem tekin hefur verið upp sem aðferð/samtalstækni, hefur nýst einstaka skólum.
- 3-4 klst: Æfingar með leiðbeinanda. Þátttakendur verða paraðir saman fyrir æfingar, farið verður m.a. í hlutverkaæfingar.
- Ef fjöldi þátttakenda leyfir er möguleiki að bjóða hverjum og einum upp á 30-45 mín einkatíma (einu sinni eða tvistvar á tímabilinu) með þjálfara, enda er markþjálfun mjög einstaklingsmiðuð. Með þessu vonum við að þáttakendur læri enn betur að nýta sér markþjálfunina fyrir sig persónulega, við samstarfsmenn, foreldra og nemendur.
- Einnig er hægt að bjóða upp á styrkleikamat sem þjálfari hefur réttindi til að framkvæma og greina niðurstöður úr. Prófið er tekið á netinu og kostar aukalega, en nýtist mjög vel til að hjálpa fólki að dvelja í styrkleikum sínum og lágmarka áhrif veikleika. Nánar hér: https://www.zenter.is/is/mannaudsstjornun#Styrkleikamat
Leiðbeinandi:
Kennari er Ágústa Sigrún Ágústsdóttir, mannauðsráðgjafi og ACC markþjálfi. Ágústa hefur unnið sem mannauðsstjóri hjá Primera Air og WOW air í um 10 ár og sem mannauðsráðgjafi og markþjálfi hjá Carpe Diem og Zenter. Hún hefur lokið meistaranámi í mannauðsstjórnun og vinnusálfræði frá Háskólanum í Reykjavík og er alþjóðlega ACC vottaður markþjálfi. Hún nýtir samtalstækni markþjálfunar í daglegum störfum en býður einnig upp á einkatíma í markþjálfun fyrir þá sem vilja vinna markvisst að sjálfseflingu og ná fram markmiðum sínum. Í mannauðsmálum hefur Ágústa víðtæka reynslu af ráðningum, mótun samræmdra ferla í mannauðsmálum, framkvæmd vinnustaðagreininga og frammistöðumats sem og samningagerð í alþjóðlegu rekstrarumhverfi. Ennfremur hefur hún réttindi til að framkvæma og greina persónuleikapróf, er vottaður Predictive Index® Analyst og Professional Learning Indicator greinandi og hefur réttindi til að framkvæma og bjóða úrlestur á Strengths Profile styrkleikamati (sem á hefur verið minnst). Ágústa hefur bakgrunn úr listgreinum, er menntuð söngkona og söngkennari, hefur tekið þátt í sviðsuppfærslum og gefið út geisladiska. Hún er einnig leiðsögumaður að mennt og hefur unnið erlendis við fararstjórn, m.a. í Slóveníu.
Hvenær er hægt að fara í ferðina? Þegar þér og hópnum þínum hentar.
Hvað kostar? Kostnaður er breytilegur eftir tímasetningu og lengd ferðar.
Fyrir nánari upplýsingar hafðu samband við Dagrúnu, dagrun@mundo.is eða í síma 788-4646.
- Innifalið
- Ekki innifalið
