Marokkó um páskana 2024 með Kolbrúnu Björnsdóttir

Langar þig að upplifa nýjar slóðir um páskana?

22. mars – Dagur 1 – ferðadagur
Lent á Menara í Marrakesh og ekið á gististaðinn, Riad Ksar Saad & Spa. Fram að kvöldverði er hægt að skoða sig um í næsta nágrenni og anda að sér fyrstu upplifun af Marokkó. 

Kvöldverður á hótelinu – innifalið.

23. mars – Dagur 2– Marrakech
Morgunverður á Riad Ksar Saad & Spa
09:00 Leiðsögn um borgina með heimamanni. Farið á matarmarkaðinn í Jemaa el-Fna torgi auk þess sem heimsóttir verða Menara og Majorelle garðarnir, farið er á Marrakech safnið og í Medersa Ben Youssef & Jardin sem er ein fallegasta bygging Marokkó.
Gist er áfram á Riad Ksar Saad & Spa hótelinu

25. mars – Dagur 4 – Marrakech/Ouirgane
Eftir morgunverð á Riad er haldið af stað til Ouirigani sem er lítið þorp í dal umlukið Atlas-fjallgarðinum. Íbúar svæðisins eru af Berber ættflokknum og eru þeir þekktir fyrir gestrisni sína, ávallt tilbúnir að eyða tíma með gestum og sýna sitt nánasta umhverfi. Frá þorpinu verður gengið áfram inn dalin framhjá húsaþyrpingum Berberanna sem sjá má á svæðinu.  Í dalnum er ævagamall skógur með tré sem ná upp í 55 metra hæð.  Heimamaður röltir með hópnum og fræðir hann um samfélagið og náttúruna í kring. Í göngunni er litið við hjá konum sem framleiða og selja Argan olíu, þar verður boðið upp á Marokkóskt te og smakkað á olíunni. –  Allar máltíðir í Ourigane eru innifaldar í verði

26. mars – Dagur 5 – Marrakech/Agafay
Enn einn dýrðar morgunverður á Riad
Frídagur í Marrakech
Kvöldverður á Chez Ali Restaurant með stórkostlegri hesta sýningu, tónlist og dansi heimamanna. – innifalið

27. mars – Dagur 6 Agafay eyðimörkin
Eftir morgunverð er farið stuttan ökutúr í Agafay eyðimörkina við Atlas-fjallgarðinn. Þetta er afskaplega fallegt svæði með Sahara sandi, steinklöppum og fjallgarðoinum í baksýn. Ferðin endar við  lúxus tjaldsvæði og verður tekið á móti hópnum með tesopa. Daginn má nýta í margs konar afþreyingu, t.a.m. reiðtúr á úlfalda, fjórhjólaferð, skíði á sandöldum, nú eða bara slaka á í laugum við tjöldin og láta stjana við sig. Sólsetrið og stjörnubirtan er engu lík í eyðimörkinn og verður notið með góðum mat og varðeldi. Allar máltíðir í Agafay eru innifaldar í verði
Um kvöldið er gist í glamping tjaldi undir stjörnubjörtum himninum.

28. mars skírdagur – Dagur 7 Agafy/Essaouira
Dagurinn byrjar á glæsilegum morgunverð við tjaldbúðirnar áður en ekið er af stað til Essauira við Mogador ströndina.  Essauira er með vinsælustu áfangastöðum Marokkó en þessi bær býr yfir merkilegri menningu, þar sem mikið er lagt upp úr handverki og finna má frábæra veitingastaði þar sem sjávarréttir eru í fyrirrúmi.
Gist verður á Villa De L’O Unik Palais Essaouira hótelinu

29. mars föstudagurinn langi – Dagur 8 Essaouira
Eftir morgunverð er ekið til La Médina og farið í létta göngu meðfram ströndinni, virkisveggir virtir fyrir sér, kíkt á Moulay Hassan torgið og handverk frá heimafólki skoðað. Auk þess er farið á Bayt Dakira sem er safn sem heiðrar arfleið gyðinga í landinu, og að endingu er leiðinni heitið á matarmarkaðinn sem ilmar af kryddum, jurtum og peningalykt frá afurðum sjávarins.
Áfram verður gist á Villa De L’O Unik Palais.

30. mars – Dagur 9 Essaouira
Frídagur frá skipulagðri dagskrá. Dagur sem er tilvalinn til að rölta um Sidi Kaouki, fylgjast með brimbrettaköppum svífa um öldurnar eða prófa að þjóta um á bretti. en bærinn er þekktur fyrir frábærar aðstæður til brimbrettaiðkunar. Hægt er að gera vel við sig í mat enda fjöldinn allur af frábærum veitingastöðum að velja úr og allar forsendur til að eiga dýrðardag í sólinni.
Síðasta nóttin verður á Villa De L’O Unik Palais.

31. mars páskadagur- Dagur 10 heimfarardagur
Ekið frá Essaouira á flugvöllin í Marrakesh