Námsferð: Raddþjálfun með Þóreyju Sigþórsdóttur og skólaheimsókn í Gredos skólann í Buitrago. Madrid – Buitrago, 25. – 30. október 2023

Ferðin er hugsuð fyrir kennara og aðra skólastarfsmenn sem vilja styrkja sig í starfi; njóta leiðsagnar Þóreyjar Sigþórsdóttur í raddþjálfun, kynnast starfi GSD skólanna á Spáni, bregða á leik á matreiðslunámskeiði og læra að búa til alvöru spænska Paella. Í samvinnu við GSD skólann í Buitrago býður Mundo þessa einstöku ferð á haustfrídögum grunnskóla haustið 2023. Kennarar og starfsmenn GSD skólans eiga stefnumót við ferðalangana frá Íslandi og ganga meðal annars um stræti og torg Madrid til að kynna hópnum brot af menningu Spánar í bland við alþjóðlegt skólastarf GSD-skólanna. 

Ferðatilhögun:

25. október – miðvikudagur

Flogið út með Play (OG664) 25. okt. kl. 14.50.
Lending í Madrid kl. 21.15. Flugtími 4:25.
Innrituð taska 20 kg og veski eða bakpoki í handfarangri.
Fulltrúi frá GSD skólanum  býður kennara velkomna og ekið með hópinn til Buitrago, ca. 65 km.
Gisting í glæsilegri gestaálmu GSD skólans í Buitrago.

26. október – fimmtudagur

8 – 9.15 Morgunverður í skólanum
9:30 – 11:45 Gengið með leiðsögn um miðaldabæinn Buitrago del Lozoya – þátttaka valkvæð
12:00 – 14:00 Matreiðslunámskeið; Svona gerum við spænska paella og borðum saman hádegisverð
14:30 – 17:30 Raddþjálfun með Þórey í Antonio Machado salnum í GSD skólanum
18:00 – 22:00 Frjáls tími, rölt um bæinn. Pöntum borð fyrir hópinn á Chato veitingastað í bænum kl. 20 (þátttaka valkvæð).

27. október – föstudagur

8:30 – 9.30 Morgunverður
10 – 13 Raddþjálfun með Þórey í Antonio Machado salnum í GSD skólanum
13:15 – 14 Hádegisverður í skólanum
15 – 17:30 Kynning á GSD skólastarfinu á Spáni og leiðsögn um skólann
18:00 – 22:00 Frjáls tími, rölt um bæinn. Pöntum borð fyrir hópinn á Teo’s kl. 20 (þátttaka valkvæð).

28. október – laugardagur

8 – 9.15 Morgunverður
9:30 Tékkað út og förum með rútu og starfsmönnum GSD á hótelið okkar í Madrid; Rafael hoteles Atocha. Skiljum farangurinn eftir og kveðjum rútuna. Göngum saman um bæinn og skoðum merka staði, Plaza de España, Royal Palace, Plaza Mayor, Mercado de San Miguel, Plaza Sol
Hádegismatur á Gourmet Experience at El Corte Ingles Callao, 9th Floor (þátttaka valkvæð).
Frjáls tími til að uppgötva Madrid.
Kveðjum vini okkar frá GSD Buitrago.

29. október – sunnudagur

8 – 11 Morgunverður
Frjáls dagur – við mælum með:
Heimsókn á Prado safnið (klassísk málverk) – https://www.museodelprado.es/
Heimsókn á Reina Sofia safnið (meiri nútímalist) – https://www.museoreinasofia.es/en
Einnig gaman að taka lest niður á Puerta de Atocha-stöðina, rölta þaðan í norðurátt (Prado, Reina Sofia og Thyssen-listasöfnin eru öll þar á sama reitnum) og kíkja í garðinn Parque de el Retiro.
Einnig er hægt að heimsækja outlet þorpið í Las Rozas Village
Hátíðarkvöldverður í Madrid á góðum stað (þátttaka valkvæð).

30. október – mánudagur

8 – 11 Morgunverður
11 – 12 Tékka út af hótelinu og setja farangurinn í geymslu.
12 – 15 Ævintýri í Madrid með Þórey
Brottför frá hóteli kl. 18.
Flogið heim með Play (OG665) 30. okt. kl. 21.55.
Lending í Keflavík aðfararnótt mánudags kl. 01:30 (flugtími 4:35).

Um námskeiðið og fararstjórann: Þórey Sigþórsdóttir

RÖDDIN ÞÍN – GILDIN ÞÍN
Valdeflandi námskeið sem gefur þér dýrmæt tól fyrir streitustjórnun og styrkir þitt helst atvinnutæki – röddina. Námskeið sem gefur þér verkfæri til að takast á við streitu, leið til að endurheimta orkuna þína, og styrk til að takast á við og bæta samskipti við nemendur, samstarfsfólk og foreldra. 

Áherslur á námskeiði:

• Meðvitund – hvað er ég að gera núna? Hvaða mynstur hamla mér?
• Líkamstenging – hvað geri ég núna? Hverju get ég breytt til að styrkja mig?
• Fræðsla um röddina og raddbeitingu
• Verklegar æfingar 
• Gildin mín – af hverju geri ég það sem ég geri?
  „Þegar ég tengi mig við stærri sýn en mig sjálfa öðlast ég þrek og orka mín nærist af sjálfu sér, því ég er í takt við minn æðsta tilgang.”

Verkfæri

• Dans/hreyfing til að virkja orkustöðvarnar, virkja líkamann 
• Hugleiðsla/öndunaræfingar í slökun, í hreyfingu
• Liðkunaræfingar fyrir talfæri og rödd, raddheilsa, fyrirbyggjandi aðferðir
• Unnið með karl- og kvenorku raddarinnar til að stækka röddina og auka úthald
• Spuni/hlutverkaleikur-krefjandi aðstæður dregnar upp og unnið með möguleg viðbrögð

 Ávinningur

• Djúpöndun, vísindi sýna enn og aftur fram á ávinning þess að nota djúpöndun
• Aðferðir til að vinna með spennujafnvægi til að styrkjar streitustjórnun
• Styrking á innsta kjarna, eigin rödd
• Núllstilling, nýr grunnur byggður til að mæta áskorunum
• Endurræsing á sköpunargleði og ástríðu fyrir lífsstarfinu
• Skörp sýn á áhrifavaldinn sem þú ert og af hverju þú vilt hafa áhrif
• Aukin tilfinning fyrir jafnvægi í lífi og starfi
• Skilningur á röddinni sem atvinnutæki 
• Aukið úthald raddarinnar
• Fræðsla um raddheilsu og fyrirbyggjandi nálgun í raddbeitingu
• Aukin samskiptafærni

Leiðbeinandi: Þórey Sigþórsdóttir – www.thoreysigthors.com

Þórey útskrifaðist sem leikari frá Leiklistarskóla Íslands 1991, síðan þá hefur hún unnið sem leikari og leikstjóri í verkefnum hjá Borgarleikhúsinu, Þjóðleikhúsinu og sjálfstæðum leikhópum. Þórey leikstýrði m.a. verkinu „Andaðu” sýnt í Iðnó 2017. Síðasta verk sem Þórey framleiddi og lék í var sýningin „Ég lifi enn – sönn saga” frumsýnt í Tjarnarbíó í janúar 2023

Þórey fékk kennsluréttindi frá Listaháskóla Íslands 2004,  kenndi leiklist í Austurbæjarskólanum 2005 – 2011 og á því tímabili skrifaði hún Leikur, sköpun, tjáning (Námsgagnastofnun 2009) 

Þórey hefur unnið sjálfstætt sem sviðslistakona, við kennslu hjá Kvikmyndaskóla Íslands og Listaháskóla Íslands ásamt því að sérsníða námskeið fyrir fyrirtæki og hópa. Þórey lauk námi í Sjamanískri heilun (heildrænni heilun) frá Patriciu Whitebuffolo í oktober 2022 og vefur þeirri færni inn í kennslu sína í rödd og leiklist þar sem sköpunarkrafturinn er virkjaður í gegnum rödd, slökun og spuna.