Spænskunámskeið í Cuenca f. 50 ára og eldri 21. – 27. ágúst 2022

Spænskunámskeið í Cuenca f. 50 ára og eldri

21. – 27. ágúst 2022

Langar þig að læra spænsku í einu fallegasta bæjarstæði á Spáni, Cuenca?

Um ræðir hópnámskeið fyrir 50 ára og eldri með innifaldri menningardagskrá sem spænskuskólinn sér einnig um að útbúa út frá þörfum hópsins. Spænska er kennd frá mán – fös kl. 09:30 – 13:30. Þá er frír tími og menningardagskrá tekur svo við milli kl. 16:30 – 19:30 (dæmi um slíka dagskrá eru heimsóknir á listasöfn og aðra menningarstaði, flamencokennsla, matreiðslukennsla, skoðunarferðir, kanóferðir o.m.fl.).

Gist er á 4* hóteli í Cuenca (Hotel Torremangana)

Ath. kennarar á námskeiði eru enskumælandi

Nánar um Cuenca:

• Cuenca er lítil miðaldaborg, gríðarleg falleg, sem stendur á bjargi með þverhnípi hvort sínum megin. Þetta verður til þess að borgin er oft kölluð „borg hinna hangandi húsa“, þar sem mörg húsanna eru byggð utan í stórfenglega klettana sem umlykja borgarstæðið. Borgin er á heimsminjaskrá UNESCO, sem engan skildi undra. Mikil gróska er í list og öllu listtengdu í Cuenca, en í borginni er frábært nútímalistasafn sem lætur engan eftir ósnortinn. Cuenca er lítil borg sem umlykur gesti sína. Auðvelt er að hella sér í spænskunámið þar sem enska er lítið töluð af hinum almenna borgara þar. Einnig eru góðar gönguleiðir í fjöllunum í kringum borgina og stutt er til stórborgarinnar, Madrid, eða um 50 mín lestarferð.

Hangandi húsin í Cuenca

Gist er á 4* hóteli

TSE spænskunámskeið

Hangandi húsin í Cuenca

Ath. að námskeiðið gæti verið styrkt af stéttarfélaginu þínu