Kvennaferð: Jakobsvegur franska leiðin síðustu 300 km – 18. júní-2. júlí 2027

Camino Francés er líklega vinsælasta leið Jakobsvegarins (Camino de Santiago), frá Saint-Jean-Pied-de-Port í Frakklandi og liggur til Santiago de Compostela á Spáni. Við ætlum í þessari ferð að ganga fyrstu 300 km; frá Astorga og alla leið inn á dómkirkjutorgið í Santiago de Compostela.

Heildarvegalengd er um 300 km, dagleiðir eru 18-30 km.  Þátttakendur taki ábyrgð á því að þær hafi heilsu og úthald í gönguna. Mögulega er hægt að taka leigubíl einhverja daga til að stytta göngu ef viðkomandi vill og er það þá á eigin kostnað. Anna aðstoðarkona er með í fylgdarbílnum og sér um að græja hádegismat og ýmislegt fleira, en sér ekki um að keyra þátttakendur milli staða, nema upp komi veikindi. Elínborg er með innlegg á morgnanna fyrir göngu og er svo gengið í þögn fram að hádegi. Gengið er með léttan dagpoka og annar farangur er trússaður á milli gististaða, ein taska (max 12 kg) á hvern þátttakanda. Í lok göngudags sér Þórhalla um jóga og teygjur.

Snemmskráningarafsláttur (20.000 kr.) er veittur ef greitt er staðfestingargjald fyrir 15. nóv 2026.

Gisting er í látlausum tveggja manna herbergjum alla leið nema e-ð sérstakt komi upp á. Á nokkrum stöðum gætu allir þátttakendur þurft að vera í stærri herbergjum og á nokkrum stöðum er gist á betri hótelum.

18. júní er flogið er til Spánar með 1 millilendingu og ekið frá flugvelli til Astorga þangað sem við komum um kvöld. Þá taka við 11 göngudagar, 1 hvíldardagur á miðri leið og 1 hvíldardagur að göngu lokinni í Santiago. Að ferð lokinni er flogið heim þann 2. júlí með 1 millilendingu aftur til Íslands.