Áramótaævintýri í Marokkó!

Flogið með einni millilendingu til Marrakech. Leiðsögumaður hittir hópinn á flugvellinum og ekið á hótel/Riad í Marrakech. Frjáls tími fram að kvöldmat.

Skoðunarferð um Marrakech, þar sem við sjáum meðal annars litríka aðaltorgið Jemaa el-Fna með markaði, listamenn og götumat, fallegu Menara garðana með vatnsbóli og útsýni á Atlasfjöllin, Majorelle listigarðinn sem var í eigu Yves Saint Laurent, Marrakech safnið og Bahia höllina sem er glæsileg bygging frá 19. öld. Gist í Riad.

Ekið frá Marrakech til Casablanca og farið í skoðunarferðir. Meðal viðkomustaða eru torg Mohammed V, Casablanca Esplanade torgið, Notre Dame kirkjan og Hassan II moskan sem er ein stærsta moska heims, stendur við torg við ströndina þar sem þúsundir manna geta komið saman. Gist á fjögurra stjörnu hóteli í Casablanca.

Ekið frá Casablansa til Rabat höfuðborgar Marokkó, þar sem við skoðum grafhýsi Mohammed V, Hassan turninn og Oudaya borgarvirkið. Höldum áfram til Fes með viðkomu í keisaraborginni Meknes og einnig Volubilis sem eru fornar rómverskar rústir á heimsminjaskrá UNESCO. Gist í Fes í riad.

Það sem fyrir augu ber í dag er bláa borgarhliðið Bab Boujloud, Loulay Idriss helgidómurinn, Karaounie moskan sem er einn elsti háskóli heims og leðurgarðarnir þar sem litað er með aldagamalli aðferð. Áfram gist í Fes.

Ekið til Merzouga með viðkomu í Ifrane, fjallabæ sem hefur yfir sér evrópskan blæ og oft kallaður "Litla Sviss Marokkó", og Erfoud, borg nálægt Sahara eyðimörkinni, oft kölluð "hliðið að eyðimörkinni". Eftir kvöldmat er boðið upp á ferð á úlföldum inn í eyðimörkina til að horfa á sólsetur yfir sandöldunum. Gist í riad.

Valmöguleiki að taka daginn snemma í úlfaldareið til að sjá sólarupprásina ef ekki var farið í sólsetursferðina. Ekið til kvikmyndaborgarinnar Ouarzazate (stundum kölluð "Hollywood Marokkó") með viðkomu í Tingir og Todra gljúfri; stórbrotnum klettadal sem klifrarar sækja heim - "dalur hinna þúsund kasbah".

Byrjað á að heimsækja Atlas kvikmyndaverin og Ait Benhaddou kasbah sem er eitt þekktasta kasbah landsins og á heimsmynjaskrá UNESCO. Síðan er ekið áfram yfir Tizi n’Tichka fjallaskarðið til Marrakech þar sem við heimsækjum Koutoubia moskuna og Jemaa el-Fna, hið fræga aðaltorg Marrakech sem er hjarta borgarinnar og eitt þekktasta torg Afríku.

Flogið með einni millilendingu Íslands. Frjáls tími fram að þeim tíma sem við verðum sótt á hótelið og ekið á flugvöllinn.