Balkantindar – júní 2026

Flogið til Tirana með einni millilendingu. Gistum á fimm stjörnu hóteli í Tirana.

Tökum daginn rólega í Tirana og þegar líður á daginn er haldið til Shkoeder þar sem við hittum innlenda fararstjórann okkar um kvöldið.

Eftir morgunmat fáum við akstur að upphafsstað göngu. Þessi göngudagur er tiltölulega auðveldur, nokkurs konar upphitun fyrir það sem koma skal. Vegalengd 20 km. Uppsöfnuð hækkun 500 m. Lækkun 600 m.

Þessi dagur gefur okkur forsmekkinn af því sem koma skal á göngunni. Þetta eru fáfarnar slóðir með fallega fjallasýn, lítil fjallaþorp og við göngum ýmist um grösugar sléttur, skóga, klappir og minna gróin svæði. Við sjáum líka syðsta jökul norðurhvels jarðar. Vegalengd 16,4 km. Hækkun 1.175 m. Lækkun 940 m.

Ganga dagsins er með landamærum Albaníu og Svartfjallalands og að hæsta tindi Svartfjallalands: Kollata e Keqe (2.554 m y.s.). Hægt er að bæta við að toppa tindinn á leiðinni og þá verður þessi dagur sá lengsti í ferðinni og með hvað mesta hækkun. Vegalengd (án toppsins) 15,5 km og hækkun 1.215 m. Lækkunh 1.000 m.

Þessi dagur einkennist af þeim gróðri og blómum sem er ríkjandi á þessu svæði ásamt því að víða munum við sjá geitur, kindur, kýr og hesta. Lítil bændaþorp þar sem hægt er að kaupa framleiðslu beint af bónda og á leiðinni er m.a.s. lítið og sjarmerandi kaffihús í trjálundi. Vegalengd 16,8 km. Hækkun 1.100 m. Lækkun 500 m.

Gengið á milli stöðuvatna, lækja og um klappir fjalllendisins. Hægt er að velja um að toppa hæsta tind Kosovo, Gjeravica, eða eyða deginum á hásléttunni í félagsskap smala sem gæta þar geita, kinda og kúa. Gullmolar þessa dags eru jökullón sem eru heimkynni Triton salamöndrunnar, en tilvist hennar þar sér um að halda vatninu fersku. Vegalengd 18,5 km. Hækkun 955 m. Lækkun 960 m.

Þessi dagleið gefur okkur fallegt útsýni í allar áttir, yfir fjallaskörð og um afskekktar sumarbyggðir bænda og smala, sem gerir þennan dag algjörlega einstakan. Vegalengd 15 km. Hækkun 480 m. Lækkun 790 m.

Við höldum okkur áfram hátt í fjöllunum, á fáförnum slóðum í yfir 1.500 m hæð og höldum áfram að njóta á þessum frekar stutta göngudegi. Endum daginn í þorpi í Svartfjallalandi. Vegalengd 12,5 km. Hækkun 600 m. Lækkun 770 m.

Grbaja dalurinn er álitinn fallegasti dalur gömlu Júgoslavíu. Ganga dagsins er á hæsta tind hans, Taljanka. Vegalengd 9,2 km. Hækkun 1.100 m. Lækkun 1.000 m.

Hrífandi dagur þar sem við göngum um Ropanje dalinn, umvafinn mikilfenglegum klettum og einhverju hrjúfasta svæði Albönsku alpanna sem var á tímum kommúnismans algjört bannsvæði . Við munum ganga fram hjá herstöð og við Ropnaje vatnið, á landamærum Svartfjallalands og Albaníu, eru ennþá gömlu landamæraskiltin sem gaman er að sjá. Við endum gönguna þar sem við hófum hana og fáum svo far á náttstað í Shkoder. Vegalengd 19 km. Hækkun 920 m. Lækkun 1.320 m.

Ekið til Tirana þar sem við gistum næstu tvær nætur á fimm stjörnu hóteli.

Frjáls dagur í Tirana þar sem hægt er að gera ýmislegt; skoða sig um, fara í búðir, borða góðan mat, slaka á í tryknesku baðhúsi, svo eitthvað sé nefnt.

Flogið frá Tirana til KEF með einni millilendingu.