Viltu læra almennilega á gönguskíði? Sérðu þig fyrir þér bruna áfram á fullri ferð með rjóðar kinnar og gleði í hjarta eftir bestu gönguskíðabrautum landsins á Siglufirði og Ólafsfirði? Kanntu smá, dálítið eða lítið sem ekkert en ert ákveðin/n í að breyta því?
-
febrúar og mars 2026
-
69.900 kr.
-
20.000 kr.
-
25% af heildarverði ferðar
-
Eftirstöðvar greiðast 4 vikum f. brottför – greiðsluseðill kemur í netbanka
-
18
Ferðaskrifstofan Mundo stendur fyrir árlegum skíðagöngunámskeiðum á Siglufirði, og hafa þau vakið gríðarlega lukku meðal þátttakenda. Frábærir skíðakennarar frá Ólafsfirði og Siglufirði sjá um að kenna þér allt sem þarf um gönguskíði í undurfagurri náttúru Norðurlands. Gist er á hinu margrómaða “boutique” Hótel Siglunesi, og þýðir það að þú verður í fæði á landsfrægum veitingastað hótelsins, veitingastaðurinn er þekktur fyrir gómsæta marokkóska rétti. Uppbókað var hjá honum svo til hvert einasta kvöld í sumar og fólk gerir sér sérferð á Siglufjörð til að borða matinn sem þar er útbúinn en þessar helgar er staðurinn frátekinn fyrir þig! Við mælum svo sérstaklega með að taka því rólega eftir langan dag í heita pottinum við Hótel Siglunes.
Helgar sem í boði eru og verð er eftirfarandi: 20. – 22. feb og 6. – 8. mars
Námskeið fös – sun:
- 20. – 22. febrúar 2026
- 6. – 8. mars 2026
Verð pr. mann:
- 69.900 kr. á mann m.v. gistingu í tvíbýli með sérbaði
- 89.900 kr. á mann m.v. gistingu í einbýli með sérbaði
Annað sem gott er að vita:
Staðsetning æfinga: Æfingar eru haldnar á skíðasvæðum Ólafsfjarðar og Siglufjarðar eftir því hvar aðstæður eru bestar og eru þátttakendur látnir vita um staðsetningu þegar veðurskilyrði eru orðin skýr.
Varðandi búnað: Hægt er að koma með eigin skíðabúnað eða leigja t.d. hjá Skíðafélagi Ólafsfjarðar (vinsamlegast hafið samband við skiol@simnet.is).
Þátttakendur þurfa að koma með höfuðljós.
