Einkaferð: Áramótaævintýri í Marokkó 2026-2027!

Flogið til Marrakech. Leiðsögumaður/bílstjóri hittir hópinn á flugvellinum og ekið á hótel/Riad í Marrakech. Frjáls tími fram að kvöldmat. Kvöldmatur á hóteli/Riadi (Riad Zaki 3* eða sambærilegt).

Skoðunarferð um Marrakech, þar sem við sjáum meðal annars litríka aðaltorgið Jemaa el-Fna með markaði, listamenn og götumat, fallegu Menara garðana með vatnsbóli og útsýni á Atlasfjöllin, Majorelle listigarðinn sem var í eigu Yves Saint Laurent, Marrakech safnið og Bahia höllina sem er glæsileg bygging frá 19. öld. Kvöldmatur á gististað.

Ekið frá Marrakech til Casablanca og farið í skoðunarferðir. Meðal viðkomustaða eru torg Mohammed V, Casablanca Esplanade torgið, Notre Dame kirkjan og Hassan II moskan sem er ein stærsta moska heims, stendur við torg við ströndina þar sem þúsundir manna geta komið saman. Gist á fjögurra stjörnu hóteli í Casablanca og kvöldverður þar (Oum Palace 4* hotel eða sambærilegt).

Ekið frá Casablansa til Rabat höfuðborgar Marokkó, þar sem skoðuð verða grafhýsi Mohammed V, Hassan turninn og Oudaya borgarvirkið. Haldið áfram til Fes með viðkomu í keisaraborginni Meknes og einnig Volubilis sem eru fornar rómverskar rústir á heimsminjaskrá UNESCO. Gist í riad í Fes (Riad Sabah 4* eða sambærilegt).

Það sem fyrir augu ber í dag er bláa borgarhliðið Bab Boujloud, Moulay Idriss helgidómurinn, Karaounie moskan sem er einn elsti háskóli heims og leðurgarðarnir þar sem litað er með aldagamalli aðferð. Áfram gist í Fes og kvöldverður á Riadi.

Ekið til Merzouga með viðkomu í Ifrane, fjallabæ sem hefur yfir sér evrópskan blæ og oft kallaður "Litla Sviss Marokkó", og Erfoud, borg nálægt Sahara eyðimörkinni, oft kölluð "hliðið að eyðimörkinni". Eftir kvöldmat er boðið upp á ferð á úlföldum inn í eyðimörkina til að horfa á sólsetur yfir sandöldunum. Gist í riad (Riad Chebbi 4* eða sambærilegt).

Valmöguleiki að taka daginn snemma í úlfaldareið til að sjá sólarupprásina ef ekki var farið í sólsetursferðina kvöldið áður. Ekið til kvikmyndaborgarinnar Ouarzazate (stundum kölluð "Hollywood Marokkó") með viðkomu í Tingir og Todra gljúfri; stórbrotnum klettadal sem klifrarar sækja heim - "dalur hinna þúsund kasbah". Gisting á kvöldverður á gististað (Riad Tama 4* eða sambærilegt).

Byrjað á að heimsækja Atlas kvikmyndaverin og Ait Benhaddou kasbah sem er eitt þekktasta kasbah landsins og á heimsmynjaskrá UNESCO. Síðan er ekið áfram yfir Tizi n’Tichka fjallaskarðið til Marrakech þar sem heimsótt verða Koutoubia moskan og Jemaa el-Fna, hið fræga aðaltorg Marrakech sem er hjarta borgarinnar og eitt þekktasta torg Afríku. Kvöldverður á gististað (Riad Zaki 3* eða sambærilegt).

Kveðjum Marokkó. Frjáls tími fram að þeim tíma sem hópur er sóttur á hótelið og ekið á flugvöllinn.