Langar þig að heimsækja frændur okkar Færeyinga og njóta útivistar og menningar? Í þessari sex daga ferð upplifum við náttúrufegurð Færeyja og fáum góða innsýn menningu og sögu nágrannaþjóðar okkar. Gengið verður um áhugaverðar slóðir á Vogey, Straumey, Austurey og Karlsey. Við göngum gamlar þjóðleiðir, svo kallaðar byggðagötur, og á hæsta tind Færeyja, Slættaratind.
Fararstjórarnir eru hvers manns hugljúfi, hrókar alls fagnaðar, mikið útivistarfólk og þekkja Færeyjar vel. Svo er vert að minnast á að Færeyingar eru höfðingjar heim að sækja og mjög svo skemmtilegir.
**Snemmskráningarafsláttur 15.000 kr ef staðfest er fyrir 1. nóvemer 2025**
-
Þóra Björk Hjartardóttir og Örvar Aðalsteinsson
-
22.-27. maí 2026
-
359.000 kr
-
65.000 kr
-
25% af verði ferðar
-
Eftirstöðvar greiðist fyrir 10. apríl 2026 - greiðsluseðill sendur í netbanka
-
10 - 14
Yfirlit
Göngurnar eru allar hóflega langar en þátttakendur þurfa að hafa reynslu af göngum í brattlendi og á misgrófu undirlendi. Við gefum okkar góðan tíma í að njóta landslags og umhverfis og rölta um litlu gömlu þorpin með sínum fallegu tjörguðu timburhúsum með torfþaki. Tími gefst til að skoða sig um í höfuðstaðnum Þórshöfn og njóta matar og drykkjar á hinum fjölmörgu góðu veitingastöðum sem þar eru.
Gist er allan tímann í Þórshöfn á nýlegu mjög góðu hóteli, Hótel Brandan, sem er í um 15 mínútna göngufæri frá miðbænum. Rúta ekur okkur alla daga á upphafsstað göngu og sækir okkur á áfangastað.
