Vor í Kosovó – páskaferð 2026

Flogið til Prishtina í Kosovo með einni millilendingu. Ekið þaðan til Reke e Allages, fallegs fjallaþorps, þar sem við gistum um nóttina.

Gengið um furuskóga og engi upp að Gjoni-skörðunum (1810 m y.s.) og við njótum stórbrotins útsýnis áður en haldið er á gististaðinn Hajla Cabin. Vegalengd göngu 4-5 km, hækkun 690 m.

Göngum frá Hajla til Boge, um engi og skóga þar sem við sjáum nokkra fjallatinda, m.a. Hajla, Dramadol og Hajla Shkrelit. Vegalengd 14 km, hækkun 560 m, lækkun 840 m. Eftir göngu er stutt ökuferð til þorpsins Drelaj þar sem gist er um nóttina.

Þessi dagur er veisla fyrir augað! Tvær jökultjarnir, djúpir dalir og hinir stórfenglegu fjallgarðar "Fordæmdu fjallanna" (The Accursed Mountains) eins langt og augað eigir. Gönguleiðin er umkringd blómstrandi fjallagróðri og stórkostlegu landslagi. Vegalengd 8 km, hækkun 420 m, lækkun 115 m. Eftir göngu er ekið til Peja sem er borg þekkt fyrir falleg fjöll og gljúfur, ríka sögu, menningu og Peć-höfðingjaklaustrið (Peć Patriarchate) er á heimsminjaskrá UNESCO.

Við klifrum eina af frægu Via Ferrata leiðunum í Peja (með möguleika á sviflínu/zip line) og njótið stórfenglegs útsýnis yfir Rugova-gljúfrið. Leiðsögn og búnaður innifalinn – öruggt og skemmtilegt fyrir alla.

Við heimsækjum Decani-klaustrið sem er á heimsminjaskrá UNESCO og á rætur sínar að rekja aftur til 13. aldar. Síðan en haldið er til Rahovec í vínsmökkun, hjarta víngerðarinnar í Kosovo, og frægt er fyrir aldagamla þekkingu í víngerð. Þaðan er ekið til Prizren þar sem gist er um nóttina.

Prizren er sannkölluð höfuðborg menningar í Kosovo, byggð í kring um Lumbardhi ánna, umkringd Sharr fjöllunum. Deginum er varið í skoðunarferð um gamla bæinn í Prizren, með sínum ottómönsku brúm, moskum, kirkjum og steinlögðum götum.

Ekið frá Prizren til Pristina. Flogið til Íslands með einni millilendingu og förum beint heim í páskeggin.