2019: Brimbretti í Marokkó

Lokaðu augunum og ímyndaðu þér að þú sért umlukin/n marokkóskum öldunið í mildu veðri í febrúar, fjarri slabbinu og rokinu á litla landinu okkar.

Mundo býður nú upp á brimbrettaferð til Marokkó, jafnt fyrir byrjendur sem lengra komna, ævintýri sem mun opna nýjar víddir í lífi þínu!

Ferðatímabil: 17. feb – 24. feb
Fararstjóri: Rut Sigurðardóttir
Verð: 229.000 kr á mann m.v. gistingu í tvíbýli/þríbýli
Staðfestingargjald: 79.000 kr.
Lágmarksfjöldi farþega: 10 manns
Nánari upplýsingar: Una Helga – unahelga@mundo.is

Eitt af einkunnarorðum Mundo er að vera ferðaskrifstofa sem breytir lífi fólks og það ætlum við svo sannarlega að gera í þessari ævintýraferð!

Um ræðir febrúarferð til Marokkó þar sem farþegar eyða tíma sínum í að læra á (nú eða læra betur á) brimbretti, á milli þess sem þeir njóta alls þess besta sem Marokkó hefur upp á að færa. Einnig gefst þátttakendum kostur á að taka þátt í jógatímum kvölds og morgna, og kostar hver tími aðeins 8 EUR (ekki innifalið).

Dvalið verður í fallegri villu við ströndina í Taghazout, einum helsta brimbrettastað Marokkó. Herbergin eru tveggja til þriggja manna, með útsýni yfir hafið (nema í einu tilviki). Einnig er hægt að fá að vera í fjögurra manna herbergi með kojum og er þá veittur afsláttur upp á 7.000 kr./mann. Öll herbergin eru skemmtilega skreytt í marokkóskum strandarstíl.

 

Fullt fæði er innifalið og eru dásemdarmáltíðir bornar fram á verönd villunnar með fallegu útsýni.

Á milli þess sem við leikum við öldurnar á brimbrettum, verður boðið upp á alls kyns ekta marokkósk ævintýri fyrir þá sem það vilja, t.d. matreiðslunámskeið, hægt verður að fara í hamam (marokkóskt baðhús) uppi í fjöllunum, jóga og margt fleira skemmtilegt!

Ef þig langar að upplifa eitthvað nýtt þá er þessi ferð sko fyrir þig!

 

ATH. Að flug er ekki innifalið en við getum gjarnan aðstoðað við að finna hentugasta flugið fyrir þig.

Innifalið:

  • Ferðir til og frá flugvelli í Agadir
  • Gisting í strandarvillu (í tveggja/þriggja manna herbergi)
  • Kennsla og allur búnaður sem tengist brimbrettunum
  • Ferðir á ströndina (þá finna kennararnir hvar bestu öldurnar eru hvern dag og haldið er þangað)
  • Fullt fæði (morgun-, hádegis-, og kvöldmatur. Hádegismatur er í formi nestis sem tekið er með á ströndina)
  • ATH. Ævintýri sem hópurinn kemur sér í, svo sem aðgangur í hamam, jóga (kostar 8 EUR/tíminn) o.fl., greiðist á staðnum (í Marokkó)
Deila á facebook