fbpx

Greiðslusíða

Gomera – náttúruperla Kanaríeyjanna: jan-feb 2017 – vetrarbúðir

50.000 kr.

Hefur þig lengi dreymt um að fara í frí í janúar, sleikja sólina, láta náttúruna næra þig, slaka á og rækta líkama og sál? Langar þig kannski að geta ort skammlausa vísu og geta bjargað þér á spænsku? Ef svarið er já þá gætu vetrarbúðir Mundo á eyjunni Gomera passað eins og hanski á hönd.

Flokkur:

Lýsing

Dagana 24. janúar til 7. febrúar 2017 stendur ferðaskrifstofan Mundo fyrir vetrarbúðum fyrir fullorðna. Dvalið er á eyjunni Gomera sem er rétt utan við Tenerife. Íbúðarhótelið Apartamentos Laurisilva í Mikla Kóngsdal (Valle Gran Rey) er einfalt en í fallegu umhverfi. Um ræðir stúdíóíbúðir með litlu eldhúsi þannig að hver og einn getur haft sína hentisemi í mat.
Gomera er rómuð fyrir náttúrfegurð og ósnerta náttúru enda hefur eyjan ekki orðið iðnaðartúrisma að bráð. Þar eru til að mynda lárviðarskógar sem eru á heimsminjaskrá UNESCO. Eyjan sést frá Tenerife og lítur út eins og hálf appelsína á hvolfi. Þar eru undursamleg gil, svartar strendur og tært vatn. Blístur frumbyggjanna sem þar bjuggu áður en Spánverjar tóku eyjuna yfir eru einnig á heimsminjaskrá en blístrin voru skilaboð á milli dala og gljúfra og mynda næstum tungumál.

Hitastigið á Gomera í janúar og febrúar er milt og ljúft. Mest fer hitinn upp í rúmar 22 gráður yfir daginn og niður í 15 gráður á næturnar.

Kennari á ritlistarnámskeiðinu: Böðvar Guðmundsson rithöfundur, ljóðskáld, þýðandi, kennari, leikskáld og söngtextahöfundur með meiru. Böðvar hlaut Íslensku bókmenntaverðlaunin fyrir Lífsins tré – eina af þremur skáldsögum hans sem fjalla um Vesturfarana.  
Spænskukennari og fararstjóri: Margrét Jónsdóttir Njarðvík en hún er spænskufræðingur og stýrði spænsk-íslensk -spænsku orðabókinni. Miðað er við að nemendur séu byrjendur eða hálfgerðir byrjendur í spænsku. Margrét hefur unnið við fararstjórn frá árinu 1986 og er einnig vararæðismaður Spánar á Íslandi.

Verð: 319.000 kr miðað við tvo í íbúð. Aukagjald fyrir þá sem vilja vera einir í íbúð: 50.000 kr
Innifalið: flug, rúta til og frá flugvelli á Tenerife, ferja til og frá Gomera, gisting, námskeið og kennslugögn, daglegar gönguferðir, jóga, leiðsögn.
Fjöldi farþega: lágmark 12 – hámark 20.

Dagskrá vetrarbúðanna: Fyrri vikuna verður kennd ritlist milli klukkan 10 og 11:30 og spænska milli klukkan 18 og 19:30. Síðari vikuna vinnur fólk að verkefnum í ritlist sem þau senda Böðvari síðan og spænskutímar verða milli klukkan 10 og 11:30.

Nánari upplýsingar hjá margret@mundo.is eða í síma 691 4646.




Share

Gomera – náttúruperla Kanaríeyjanna: jan-feb 2017 – vetrarbúðir