fbpx

Greiðslusíða

UPPSELT!! Ævintýrahjólaferð um Tenerife – mars 2017

80.000 kr.

Upplifðu stórkostlega náttúrufegurð fyrir tilstilli eigin afls í ævintýralegri götuhjólaferð um stórbrotið landslag Tenerife. Í ferðinni verður boðið upp á fjórar miskrefjandi dagsferðir og eina tveggja daga hringferð um eyjuna, þar sem gist verður í Puerto de la Cruz.

Flokkur:

Lýsing

Þetta verður ógleymanleg ævintýraferð fyrir áhugasamt hjólreiðafólk sem er aðeins komið af stað í hjólasportinu, hefur einhverja reynslu af að hjóla lengri dagleiðir, en vill skipulag, hvatningu og stuðning hópsins. Ferðin býður upplagt tækifæri fyrir fólk sem stefnir á að koma inn í sumarið í góðu hjólaformi. Boðið verður upp á fjórar dagsferðir og eina tveggja daga ferð umhverfis eyjuna, ferðir sem í flestum tilfellum má stytta eða aðlaga ef þörf krefur. Það gera allt að sex hjóladagar, en við mælum með a.m.k. einum hvíldardegi fyrir alla nema þá alhörðustu. Í öllum ferðunum verða tveir hjólandi fararstjórar og sá þriðji eltir hópinn á bíl og aðstoðar ef hjól bilar eða hjólari þarf skutl upp næstu brekku. Það er talsvert mikið um brekkur á Tenerife og þátttakendur þurfa því að nýta veturinn vel í að styrkja fætur og form. Til að veita smá aðhald í þeim efnum munum við hittast mánaðarlega og taka stöðuna. Gera má ráð fyrir að hjóluð heildarvegalengd verði milli 400-500 km með hækkun milli 8000 og 9000 m. Í ferðinni leggjum við ríka áherslu á að mynda sterka liðsheild, einn fyrir alla og allir fyrir einn, samhjól en ekki samkeppni. Þess vegna ætlumst við til að þátttakendur sýni sínar bestu hliðar, verði jákvæðir og uppbyggilegir og leggi sitt af mörkum til að ferðin heppnist frábærlega vel.

Fararstjóri: Leifur Geir Hafsteinsson og honum til aðstoðar Fríða Ammendrup og Aðalbjörn Þórólfsson
Ferðatímabil: 11.-18. mars 2017
Gist verður á Hótel Zentral Centrum, 4 stjörnu hótel með loftkælingu og hálfu fæði.

Verð: 199.500 kr m.v. tvo í herbergi.  Aukagjald fyrir einstaklingsherbergi: 35.000 kr.
Innifalið: Flug, 20 kg ferðataska EÐA hjólataska (max 27 kg), gisting, morgunverður og kvöldverður á hóteli, hádegissnarl í hjólaferðum, fararstjórn, bifreið sem eltir og aðstoðar í öllum dagleiðum og tekur (smávegis) trúss í 2 daga ferð, gisting í Puerto de la Cruz á 2 daga ferð, aðstoð við undirbúning, mánaðarlegir aðhalds- og stemningsfundir frá nóvember 2016, fallegur hjólabolur Mundo hjólaferða.
Fjöldi farþega: Lágmark 16 – hámark 30.

Til undirbúnings hittist hópurinn mánaðarlega frá nóvember til mars. Staðan tekin og hópnum þjappað saman. Möguleikar á sameiginlegum æfingum/þrekmælingum (gegn hóflegu gjaldi).

Nánari upplýsingar: Margrét s. 691 4646 margret@mundo.is eða Birna s. 788 4646 birna@mundo.is

Ferðalýsing:
Flogið verður í beinu flugi til og frá Tenerife.
Í boði eru sex hjóladagar, fjórar dagsferðir og ein tveggja daga ferð. Mælt er með að þátttakendur taki sér a.m.k. einn hvíldardag.

1. Hjólað norður til Acantilados de los Gigantes og til baka. 61 km, 750-1100 m hækkun
2. Hringferð um Tenerife. Á fyrri degi er hjólað austur og norður fyrir, alla leið til Puerto Santa Cruz þar sem er gist. Lengsta dagleið ferðarinnar, 123 km með 2222 m hækkun. Á seinni degi er hjólað frá PSC til Buenavista del Norte og svo upp í gegnum Masca dalinn til Santiago del Teide og þaðan heim til Playa de la Americas. 93 km með 1974 m hækkun. ATH ekki innifalinn kvöldmatur í Puerta Santa Cruz.
3. Morgunferja til La Gomera. Hjólaður hringur um eyjuna. Ferja heim seinni partinn. 67 km með 2600 m hækkun.  ATH! Gjald í ferju er ekki innifalið. Viðbótarkostnaður ca. 90 evrur.
4. Hjólað eftir suðurhluta Tenerife og þaðan upp til Granadilla og stystu leið heim. 64 km og 1044 m hækkun.
5. El Teide þjóðgarðurinn. Tökumst á við lengsta klifur Evrópu, frá Playa de la Americas, upp í gegnum Arona, Vilaflor og upp í þjóðgarðinn. Hjólum þar að hótelinu og nærumst vel og lengi. Rúllum svo niður á hótel. 90+ km, 2500 m hækkun.




Share

UPPSELT!! Ævintýrahjólaferð um Tenerife – mars 2017