Hefurðu hugsað um að lofa unglingnum á heimilinu að fara í skiptinám en hikar svo þegar kemur að óvissuþáttunum og þeirri staðreynd hvað heimurinn er stór og hversu margt gæti komið uppá? MUNDO þekkir þá tilfinningu og ákvað þess vegna að bjóða upp á skiptinám í mjög öruggu umhverfi og aðeins á Spáni, Frakklandi, Þýskalandi og Bandaríkjunum, löndum þar sem Mundo þekkir afar vel til og er með góð tengsl til að grípa inní ef eitthvað fer úrskeiðis.
Eftir mikla umhugsun og leit að vænlegum og traustum samstarfsaðila ákvað Mundo að vinna með OPEN DOOR í Þýskalandi. Um ræðir traust samtök sem eru stór á markaði í Þýskalandi og hafa getið sér gott orð. Flestir vinna í sjálfboðavinnu fyrir samtökin en trúnaðarmenn fá greitt fyrir vinnu sína þannig að ef eitthvað kemur uppá þá er aldrei gripið í tómt og málin leyst í samvinnu alla aðila.
Það er engin tilviljun að Mundo velji samstarf um skiptinám í Þýskalandi. Löng hefð er fyrir þýskukennslu á Íslandi og hér er boðið upp á tækifæri til að ungmenni nái fullkomnu valdi á málinu og geti nýtt sér það að gagni í lífinu. Þýskukunnátta ungmenna er fjársjóður sem endist í lífi og starfi og er gagnleg til að ferðast um Þýskaland, Austurríki og Sviss.
Skiptinám getur verið stórkostleg reynsla sem hjálpar ungmennum að vaxa undurhratt á skömmum tíma auk þess að ná góðum tökum á nýju tungumáli. Rannsóknir sýna að þau ungmenni sem fara út sem skiptinemar búa að því alla ævi. Áhugi þeirra á alþjóðamálum eykst, áhugi á eigin menningu eykst auk þess sem einkunnir þeirra hækka við heimkomu.
MUNDO er sönn ánægja að bjóða upp á skiptinám í Þýskalandi. Skiptinámið er fyrir 14-18 ára krakka (miðað við aldurinn þegar lagt er af stað í skiptinámið) og geta þau valið á milli þess að dvelja þar í 3, 4 eða 10 mánuði. Dvalið er hjá vel völdum fjölskyldum víðsvegar um Þýskaland og nærri þeim öllum býr fulltrúi OPEN DOOR sem hefur valið fjölskyldurnar og fylgist með allan tímann.
Við hvetjum ykkur til að hugsa sérstaklega um möguleikann á að taka tíunda bekk í Þýskalandi en einnig er hægt að taka fyrsta og annað ár í framhaldsskóla úti.
Fjölskyldurnar sem dvalið er hjá eiga það sameiginlegt að hafa alþjóðlega reynslu og skilning eða hafa alist upp í tvítyngdu umhverfi og skilja fullvel hvað menningarmismunur og aðlögun eru. Fjölskyldurnar sem við vinnum með eru af öllum stærðum og gerðum, stórar og smáar, barnlausar og barnmargar, þar sem eru giftir og ógiftir einstaklingar. Við vöndum okkur vel við að para saman ungmenni og fjölskyldu.
Dvalið er hjá fjölskyldum um allt Þýskaland.
Áður en ungmennin halda til fósturfjölskyldnanna fara þau á undirbúningsnámskeið í Köln en vitaskuld fara þau á námskeið á Íslandi einnig
1. Vera 14-18 ára þegar skiptinám hefst
2. Vera með grunn í þýsku. Hafa lært þýsku í 2 ár eða sambærilegt.
3. Vera samviskusamur nemandi og námsferil sem gefur til kynna að skiptinám sé ekki hindrun.
4. Hafa nægan þroska og sveigjanleika til að geta tekið þátt í alþjóðlegu samstarfi.
5. Vera við góða heilsu andlega og líkamlega og laus við alvarlega námsörðugleika. Lesblinda flokkast ekki sem alvarlegir námsörðugleikar.
6. Vegna covid þurfa skiptinemar að vera fullbólusettir með eftirfarandi bóluefnum: BioNTecPfizer, Moderna, AstraZeneca or Johnson & Johnson
Þriggja mánaða dvöl hefst annars vegar í ágúst og lýkur í nóvember og hins vegar í febrúar og lýkur í apríl.
Fjögurra mánaða dvöl hefst annars vegar í ágúst og lýkur í janúar og hins vegar í febrúar og lýkur í júní.
Skólaársdvöl (10 mán) hefst í ágúst og lýkur í júní
15. janúar fyrir skiptinám sem hefst að hausti
31. júlí fyrir skiptinám sem hefst í janúar
3ja mánaða dvöl : 1.490.000
4 mánaða dvöl: 1.590.000
Heilt skólaár: 1.990.000
Staðfestingargjald: 150.000 kr. (óendurkræft) er greitt um leið og umsókn er skilað inn. Þá er 50% af eftirstöðvum greitt 15. apríl og lokagreiðsla fyrir 1. júlí.
Mundo veitir þrjá styrki, að upphæð 150.000 kr. hver, fyrir 10 mánaða skiptinám sem hefst að hausti. Styrkirnir eru veittir þeim sem ætla að fara í skiptinám og hafa þegar sótt um.
Hafir þú áhuga á að kanna möguleikann á skiptinámi í Þýskalandi nánar er fyrsta skref að panta viðtal hjá Mundo. Vinsamlegast hafið samband við Unu Helgu í netfangi unahelga@mundo.is, eða síma 778-4646.
