Söngleikur og Teatime með Albert eldar í London

14. – 17. nóvember 2024

Upphafið á aðventunni með Albert Eiríkssyni, Albert eldar, til London. Förum saman á Hamilton söngleikin sem hefur sannarlega slegið í gegn um allan heim og er sýndur nú í London við feykilegar vinsældir. Albert er algjör söngleikjadýrkandi og hann veit hvað góður matur er. Hann hefur alveg sérlegt dálæti á því breska Teatime og veit hvar sá besti er í London.

Hamilton söngleikurinn var frumsýndur á Broadway 2015,  hefur síðan þá slegið rækilega í gegn enda er tónlistin kröftug og sagan afar merkileg.  Söngleikurinn byggir á lífi Alexander Hamilton – sem var einn af  landsfeðrum Bandaríkjanna og byggir á bók eftir Ron Chernow.  Lin-Manuel Miranda samdi lögin og textann og lék einnig aðalhlutverkið í  upprunalegri uppsetningu söngleiksins. Tónlistin er blanda af hip-hop, jass og rytmablús.

Við gistum á mjög góðu hóteli, miðsvæðis í London, þaðan sem er göngufæri bæði í leikhúsið og á hið dásamlega Teatime veitingahús sem Albert ætlar að leiða okkur á.

Fimmtudagur 14. október

Flogið verður snemma dags  með Icelandair til London. Þaðan förum við með rútu á hótelið og eigum góðan dag í borginni.

Föstudagur 15. október

Á föstudeginum förum við á Hamilton kl. 19.30 og njótum sýningarinnar í eðal góðum
sætum í leikhúsinu Victoria Palace Theatre, opnað árið 1911.

Laugardagur 16. október

Þessi dagur er á ljúfum nótum og gengur hópurinn saman um London og endar í Teatime á uppáhaldsstað Alberts í borginni.

Sunnudagur 17. október

Sunnudaginn eigum við hvert fyrir sig en rútan bíður eftir hópnum tímanlega til að ná í
heimflug með Iceland, að kvöldi 17. nóvember.

Einstök ferð til að njóta í London með sínum nánustu.I