Spænskunám í Cádiz fyrir +50 ára

  Spænskunám fyrir 50 + í Cádiz

 Tilvalið tækifæri til að læra spænsku eða bæta kunnáttuna í góðum félagsskap.

Við stefnum á hópferð í september. Þau ykkar sem hafa áhuga á að koma með í hópferð sendið okkur línu með að fylla út formið hér til hliðar. 

Mundo í samvinnu við tungumálaskólann “Spanish en Cádiz” býður upp á spænskunámskeið fyrir 50 ára og eldri einstaklinga, hvort sem farið er á eigin vegum eða í hóp. 

Tilvalið tækfæri til að njóta lífsins í þessari dásamlegu spænsku borg ,læra Spænsku og upplifa menningu Andalúsíu.

Staðsetning:

Skólinn er í Cádiz í Andalúsíu einni elstu borg Evrópu. Borgin er því stútfull af sögu og dásamlegum gömlum byggingum við þröngar götur og falleg torg.  Löng hvít strandlengja með ferskum blæ Atlantshafsins liggur meðfram borginni. 

Skólinn:

MUNDO valdi að hafa samvinnu við lítinn notalegan skóla Spanish en Cádiz sem við höfum frábæra reynslu af að vinna með. 

Spænskukennsla er 20 tímar á viku, 4 tímar á dag frá 9.45- 13.30 og skiptist í 2 tíma í málfræði og 2 tíma í töluðu máli. Einungis eru 7 nemendur í hverjum hópi.

Auk þess er fjölbreytt dagskrá í eftirmiðdaginn s.s, söguferðir, flamenco, hjólaferðir, surf námskeið sem hægt er að velja sér eftir áhugasviði.

Gisting 

Skólinn á húsnæði rétt við skólann og leigir út bæði litlar stúdíóíbúðir og herbergi með sameiginlegu eldhúsi og baði. 

Hafið samband við Mundo til að hanna ykkar einstaklingsferðir og/eða beiðni um ferðir í hópum.

nannahlif@mundo.is sími: 8504684