Jakobsvegur í rólegheitum – 15. júní til 22. júní 2024

Þessi gönguferð er fyrir þá sem vilja njóta lífins á meðan síðastu 110 km Jakobsvegsings til Santiago er genginn. Gengið er um héruð þar sem skiptast á hólar og hæðir,  skógar, landbúnaðarhéruð, borgir og bæir. Þessi ferð stendur svo sannarlega undir einkunnarorðum Mundo: menntun, skemmtun, menning og þjálfun. Hámarksvegalengdir eru 16 -22 km á dag, en sé komin þreyta í tærnar er alltaf hægt að hoppa upp í leigubíl til að komast á næsta gististað. Leiðin liggur um Galisíu, eitt
fallegasta hérað Spánar, frá bænum Sarria til Santiago de Compostela. Í Galisíu er allt grænt og vænt og sumarið vaknað úr dvala á þessum tíma.  Farið er á milli lítilla þorpa og inn í nokkra bæi og er sums staðar gist tvær nætur í röð á sama stað þar sem farið er hægar en í venjulegum pílagrímagöngum.
Fararstjórinn Guðrún H Tulinius er fyrrum spænskukennari og verður fararstjóri göngunnar.
Drög að dagskrá göngudaganna: Eftir morgunverð um kl. 8:30 kynnum við okkur göngu dagsins og tökum léttar upphitunaræfingar. Ætlunin er að ganga 4-6 tíma á dag. Við tökum okkur gott matarhlé í kringum hádegið og göngum síðan til áfangstaðar. Þegar á gististað er komið, hvílir fólk sig fyrir kvöldverð, sem venjulega byrjar ekki fyrr en kl. 20 á Spáni.
Fyrir þau sem vilja verður boðið upp á spænskukennslu í lok göngudags, 3×40 mínútur á dag (3 kennslutímar). Stuðst verður við kennsluhefti í spænsku. Gistingin er hluti af upplifuninni þar sem hægt er. Það er alltaf lín á rúmum, handklæði og sturta og leitast er við að hafa gistinguna eins fjölbreytta og unnt er (klaustur, bændagisting og í það minnsta ein nótt verður á reglulega fínu hóteli).